Lai Pasal Tha! Uar A Um Bak! Upat Awk Tak Tak A Si!

Ralkap nih uknak an laak hnu in hruaitu thar biatak tein an thim thluah mah hna, Kan lai tlang chung in Hakha chung hrim hrim in Pu Ngun San Aung cu Ralkap nih rian an thiah i lunglawm tein a rak cohlan hna tiah kan rak theih. Sihmanhsehlaw a tu tan thawngthar kan theih mi cu aa phun dang tuk. Uar a um kho tak tak si.

May be an image of 1 person and text that says "PU SIANG MANG"

Ralkap nih Pu Siang Mang cu Chin Ramkulh Uknak Council Chairman caah an len nain a al hna. Tiah The Chinland Post sinah thawng an rak thanh. Pu Siang Mang (CNLD chungtel) hi uar a um kho tuk. Ralkap an si ko zong ah a ttih bak hna lo, Ram le Miphun caah dawtnak a ngei ti le, Ram thatnak ding biatak tein a ttanh mi a si ti a langhnak a si. Uar a um kho tuk, Upat lo awk hrim a tlak lo.

Ref: The Chinland Post

Relchap:UNHCR Nih Myanmar Kong Ah Biakhiahnak An Tuahnak In CHINA le RUSSIA An Chuak.

Mah hrim hrim nih hin China nih Kawl Ralkap a bawmh tiah rak chim peng mi cu a fiang tak in a langhter chin chin cang. China long si lo in Russia zong nih Kawl Ralkap nih hram hram in uknak aa cuh mi hi a poi in a hmuh piak lem rua lo. 

United Nations Human Rights Council (UNHRC) nih Friday ah khan Geneva ah Kawl Ralkap nih tlaih mi State Counsellor Aung San Suu Kyi le President Win Myint le Members dang pawl hna thlahnak kong biahkhianak ngei ding in an rak thu hna. Sihmanhsehlaw China le Russia le ram dang tlawmpal hna cu hi kong ah hin kan i tel huam lo tiin, Myanmar buainak, Ralkap nih hram hram in uknak an laak nak kong ceihnak cun an chuak tiah NHK World nih thawng a vun thanh.

A poi kho tak tak si hi bantuk in Vawlei cung Ram Thawng bik le Ram ngan bik ah aa tel mi 2, China le Russia hna nih Ralkap uknak an ttanh ve tik ah hin. Min Aung Hlaing hi Russia he pehtlaihnak a ngeih a rak ttha pah rua. Russia Reporters hna nih Min Aung Hlaing Interview an rak tuah nak hna kha kan rak hmuh cio hna lai dah. China tu cu Min Aung Hlaing a pa si dawh dang a lo ko hih. China nih support hlah seh law a tu tan kan chan Democracy chan hna ahhin cun,mah ti hin a cawl cangh ngam nak ding hi a um lo. Hnu lei in bawm tu a ngeih ruang ah hin a raltha tiah mi tampi nih an chim cio.

Sorce:- Indiatvnews