Laipa Uar A Um Kho Tak Tak Si. (Mipi nih Thazaang Pe Cio Usih)!

Mah hi Norway Club min ngei pakhat i A-team ah a chuih kho cangmi Chin mino Van Za Lian Bawi Hrin a si. Hamar khua ahhin Chinmi tamngai an um ve, i Hamkam timi Club ah a hmet tein a rak chuih nain kum 19 a vun si in A-team ah chuih ding in an thim cang.

May be an image of 2 people, people playing sport, grass and text that says "Elvi Norway mi lak i a chuih ve mi Laipa"

“Mah hi tiang phak ding ah fakpi in ka rak i zuam.” tiah Van Za Lian Bawi Hrin nih cun an Club website ah a chim.
Hamkam cu Norway i League sangbik pahnihnak an an chuih.

Crd- Teirial Catialtu.

Relchap: April 12, Nihin Thawngpang Dik Theihmi Pawl Langhter Nak! (A Fiang Kho Tak Tak Si)!

APRIL 12 THAWNGPANG TAWI.

 Flash Strike cawlcanghnak cu Myanmar he Thaiwan zong nih an tuah ve.

 Nizan Muse khua ah palek guard cawnhnak sakhan pahnih a kaang.

 Myitkyina khua Palek Battalion No. 30 ah bomb le meithal thawng a thang i palek a thi mi an um tiah theih a si.

 Alaw Bum ah KIA le Kawl Ralkap faakpi in an i kaap rih.

 Bus Stand ah a dir mi YBS 89 bus panga cu a ho si ti hngalh rih lo mi nih mei in an khangh.

 Mandalay ah phu kip fonh lamzawhnak cu tharum chuah in an thio hna.

 Myitkyina-Bamaw motor lam cung ah a um mi hlei hngak palek battalion cu KIA nih an tuk i an laak.

 KIA le Kawl Ralkap an i kahnak hmun, Myothit hlei kiangkap cu Bamaw um miakpi tlai ralkap nih lam hla kahnak missle in pehtlai in an kah.

 Tamu ah Ralkap duhlonak a langhtertu rammi nih an ser mi an i dornak raalhruang pawl cu ralkap nih thazaang tampi hmang in an kah hna ca ah rammi lei zong nih an i khamnak ca ah an kah ve hna.

 KIO Zunghram umnak ram chung ah a um mi Alaw Bum sakhan cu Kawl Ralkap nih raltuknak vanlawng pawl hmang in an rak kah hna.

 Kawl Ralkap nih KNU ram chung Mutraw Pengkomh chung ah kahdohnak an tuah ca ah tualchung mi tampi an zaam.

 Federal Army a chuah ahcun Kawl Ralkap chung lila ah i thencheu le i kahnak a um kho tiah CDM a lut mi ralbawi nih a chim.

 Dothlennak hlawh a tlin nakding ahcun hriam tlaihnak lam zong hman a herh tiah, Monywa lamzawhnak hruaitu Wai Moe Naing nih a chim.

 Tuluk nih Myanmar ram chung ah caan sau a rau i thisen luannak in a khat mi raltuknak chuak ding in aa zuam tiah US nih a ti.

 Momoh ralkap nih an kah mi hriamnam ngan khua chung ah a tlak ca ah minung pahnih an thi.

 Tamwe ah Bali saya pakhat cu a kuat hnulei ah teem bu in hri in an thlai i an thah mi hmuh a si.

 Myitkyina-Bamaw motor lam kam ah a um mi khuate cheukhat inn cung ah hriamnam ngan kuan an tla i a thi mi le hmapu an um.

 Sagaing ah Tuluk puanlaang mei khangh in duhlonak an langhter.

 Myanmar rammi pawl thisen vawlei ah a tlaknak cu Tuluk le Russia ruang ah a si tiah EU ram dang lei policy lutlai nih a chim.

 Karen ramkulh, Hpa-an le Tahtone lam kam ah a um mi Kawl Ralkap nih an kah hna ca ah minung pahnih an thi i minung pakhat a mitmu a choi.

 Tamu khua Grace Sii-inn riantuantu nurse pawl cu ralkap nih an velh hna i thil an chuh hna.

Crd- The Hakha Post.