Lawmh A Um Kho Tak Tak Si..! Ram 8 Hna Nih Kawlram Ralzaam Caah Bawmhnak An Pek!

Ram Pa Riat Nih Myanmar Ralzam(Refugee) Bawmhnak An Pek. Japan,Australia, Sout Korea, Taiwan,Singapore, Germany, American, Thailand ram riat hna nih tangrual in Myanmar ram ralzam le harsa(Refugee) pawl caah Thailand cozah sinah tangka an kuat.

Hi ram riat hna nih ralzam bawmhnak an pek mi pawl cu Thailand cozah nih Myanmar ralzam le Thailand ramri kiangkap i khuasa pawl ei le din nak le ti’n tuchun ah thilri pawl caw in hman thawk a si. Ralzam pawl ei le din ding hi tuchun ah Thailand cozah nih cun a pek cang cun mi harsa ralzam pawl hi bawmh thluahmah a timh nak kong zong thawng theih a si.

Crd- CP

Relchap: Kachin Zumtu Hna Uar An Um Kho Tak Tak Si.

Ralkap uknak a rawh nak dingah Kachin Baptist Church 400 renglo nih nifatin in thlacamnak kan ngei lai tiah KBC GS Rev. Dr. Hkalam Samson nih a chim. Thlacamnak cu April 1 khan an thok cang i thla dih tiang zingtin tein tuah a si lai tiah theih a si.

“Voidang ah cun zarhpi ni lawngah thla kan cam. Atu cu kan ram buainak kongah voidang bantukin si loin zingtin tein 7:00 am ah thlacamnak ngei dingin Church kip ah thanhnak kan tuah” tiah Rev. Dr. Hkalam Samson nih cun a chim.

Mah thlakhat chungah hin a karlak ah rawlulh in cam caan zong a um lai. Thlcamnak i an i tinhmi cu Myanmar ah Federal rampi a dir khawh nak hnga, daihnak le zalonnak a um i tlukruannak a ummi ram a si khawh hnga, zeibantuk khongton uknak hmanh a chuah ti nak hnga lo le tlangcungmi dihlak hmunkhat ah lungrual tein kan um khawh nak hnga, ti hna hi an si.

Khatlei in kan zoh ahcun Kachin Baptist Convention pi hi Myanmar mipi leiah kan dir ko ti kan langhter zong a si tiah Rev. Dr. Hkalam Samson nih a chim. Kachin miphun hna cu anmah Kachin ramkulh lawngah si loin Shan ramkulh, Mandalay le Rangon zongah tampi an um.

KBC ahhin Church 430 renglo le milu sing 4 renglo an um.