Lawmh Pi Cio Hna Usih! Pi Ngun Thluai Cin le Chungkhar nih CNF/A caah tangka tam tak tak an hlut!

Lawmh a um kho tak tak si, Mipi nih upatnak kan in pek hna. Japan ram i a um mi Pi Ngun Thluai Cin le a chungkhar nih kawlram tangkaa in ting ( 100 ) CNF/A caah an hlut tiah thawng kan theih. Pathian nih thluachuahnak pe chin ko hna seh.

May be an image of 3 people, people standing and outdoorsMay be an image of 4 people, people standing, outdoors and monument

Crd-  Chin Cable Network Channel.

Relchap: A Poi Ngai Cang Hih! Hakha ah Facang Cheukhat Man A Kai..!

March 15 thawk hrawng in Hakha ah facang man a kai deuh, tiah Hakha facang dawr ngeitu hna sin in kan theih.
A man a kai deuhmi facang hna cu:

#Kananhmwe: Kananhmwe hi ahlan ah dip khat ah 53,000 a si i, atu ah 55,000 ah a kai.
#Ayeyamin: Ayeyamin hi ahlan ah dip khat ah 50,000 a si i, atu ah 53,000 ah a kai ve. Facang hi ahlan i a rak phan tthingmi cu an man a kai lo nain atuhnu ah a rak phanmi pawl belte hi an man a kai hna.

May be an image of indoor

Dawr ngeitu pakhat nih, “Ahlan kan lak ciami chung in a taangmi cu kan kaiter lo. Asinain, a thar kan cahmi cu a kai. Hi facang man a kaimi hi March 15 hrawng in khan a si cang. Ralkap uknak ruang ah a kaimi cu a si lai lo tiah ka ruah. March le April thla hi facang man a kai caan a si tawn. Kum dang zong ah hi caan ah hin facang man a kai tawn,” tiah a chim.

May be an image of indoor

Ralkap nih uknak an lak hnu ah Mynamar ramchung facang man hi atu tiang ah cun hmun tam deuh ah a kai rih lo. Asinain, datsi/diesel man belte February thla chung in a rak kai cang. Cun, Yangon khuachung ah cun facang si loin nitin eidin tete (Coffee Mix, tbk) dawr cheukhat ah an man a kai deuh thluahmah ve.

May be an image of indoor

Atu bantuk in ralkap nih uknak a tlaih peng i ramchung buaibainak a um peng ahcun chawlehthalnak fak chin in a hnorsuan lai i, Myanmar ramchung misifak tam u nih harsatnak an tong kho, tiah WFP zong nih nizan nai ah ralrin peknak bia a chim.

Credit-  Min Cung Sang
The Chin Journal