Lung A Faak Tuk Ee.. Ruak Bak Ralkap Nih Sipuazi Tuahnak Ah An Hman Cang Hna.

Cutluk Ralhrang pawl sual khawh cudah, Lung a fak tuk ee, Bago ah Minung tamtam thah an si cang tiah theih cio mi asi 82 bak thah an si cang tiah theih asi i, Ralhrang hna nih an Kahthat mi Hna Ruak hi Lak duh ahcun Ruak Pakhat ah Ting 1(100000kyats) pek in lak khawh asi lai tiah Ralhrang hna nih Bia an chuah tiah CRPH ah Langhter asi. A taktak asi ko ahcun apoi tuk lai e, Bago Mipi caah Thlacam bawm cio ko hna usih!

No description available.

No description available.

Source: Mizo Official Channel + CRPH

Relchap Ding: 

Tamu Kahdohnak ah Mipi lei Pa 2 le Myanmar Ralhrang 13 an Thi!

Nihin Tamu khua ah chun sml. 11:30 in 12:45 tiang hrawng Ralhrang le mipi karlak kahdohnak a chuak i Ralhrang lei in minung 13 an thi, tiah thawng kan theih.

Tamu khua ah chungkhar he a ummi Laimi pakhat nih, “Nihin chun 11:30 hrawng khan an i kap. Kan umnak Sadaku sang pawngte ah a si i, a tu hi innchung ah kan i thup ko hna. Lenglei in meithal kah thawng le puah thawng cu a thang lengmang ko,” tiah a chim.

“Mipi lei in a thimi zong an um. Leng kan chuak ngam hna lo i thil sining fiang in kan thei lo. Ralkap 10 lengpi an thi tiah an chim cu kan theih,” tiah Tamu ummi Laimi pakhat nih a chim.

Nihin Tamu kahdohnak ah mipi lei in minung pahnih an thi i, Ralhrang lei in minung 13 an thi, tiah Mizzima nih a langhter.

Source: The Chin Journal-April 10, Yangon

Relchap Ding: 

Hriamtlai Bu 3 Fonh nih Lasho Palik Sakhaan Fak Ngaiin an Kah, Palik 8 an Thi.Nihin zinglei ah Lasho he meng 16 a hlatnak ah a ummi Naungmon palik sakhaan cu Northern Alliance (AA, TNLA, MNDAA) nih an vung kah i palik bawi pakhat telh in palik 8 an nunnak a liam.

May be a black-and-white image of one or more people and outdoorsMay be an image of outdoors

Crd- The Chin Journey.

Relchap: Ralbawi Lin Htet Aung Cu Mipi Sinah A Dir Cang! (GOOD NEWS)!

Ralbawi Lin Htet Aung cu a dirhmun chuahtak in mipi sinah a dir cang tiah theih a si. Mah hi တြိဂံဒေသတိုင်းစစ်ဌာနချုပ် tangah a ummi Man Pin peng chung Khah-Mah-Yah (ခမရ) 528 ah ralbawi a tuanmi a si. A personal number cu 62136 a si. Kum 2008-9 ah May Myo ralkap sianghleirun in sianginn a dihmi a si.

CRPH upa a pehtlaih hna i atu hi Thailand ramri i tlangcung hriamtlaibu ukmi hmunhma ah a phan tiah theih a si.

Ralbawi Lin Htet Aung nih cun ralkap nih mipi cungah hriamnam ngan in an kahmi, bomb tiang an hmanmi cu keimah ka duhmi ralkap sinak he aa tlak lo tuk caah atu bantukin ka chuahtak hi a si tiah a chim. Amah sinah a kuttang ralkap zeimawzat an ra ve nain an dawi hna i an kah hna caah cheukhat cu an vaivuan, asinain cheukhat cu amah sinah an lan kho tiah theih a si.

Ralbawi Lin Htet Aung nih cun “Ralkap chung i misualral hna ruangah kan ram ah khongton uknak chuah than aa tim cang. Mino hna nunnak tampi a liam cang. Mipi kha ralhrang bantukin zoh le hmuh dingah an cawnpiak hna. Federal Army a dir in cun mipi nih kan tei hrimhrim lai. Atu khi ralkap sing 3 renglo lawng an si ko. Mah lakah ralbawi 75% nih cun ralbawizik hna sualpalhnak an theih tuk ko. An i zukphiak kho rih lo i a si. Biatak tein ral a thawh tikah cun anmah leiah fek tein a dir dingmi cu an tlawmte. Federal Army leiah a dir ding ralkap an tam tuk. Dinnak lei ah kan dir peng lai” tiah a chim.

Ralbawi Lin Htet Aung cu 1992 ah a chuakmi a si caah atu hi kum 29 lawng a si rih. Atu bantukin ralbawi sinak chuahtak in mipi lei ah a dirmi nih ralbawi dang/ralkap dang hna ca zongah an sinak chuahtak in mipi lei dir dingah thazaang a pek hna lai tiah zumh a si.

Crd- Chin Post.