Malaysia nih Myanmar Kong ah Mah Thil Phun 3 Hi A Hal. (Upat Tlak Hruaitu Tha Bak A Si)!

Malaysia nih Myanmar Kong ah Thil Phun 3 a Hal.

May be an image of 1 person, standing, sitting, suit and indoor

Indonesia ram, Jakarta khuapi ah April 24 ah tuahmi Asean ramhruaitu hna tonpumhnak ah Malaysia Prime Minister Tan Sri Muhyiddin Yassin nih Myanmar kong ah thil 3 halnak a tuah, tiah kan theih.
Cu hna cu:

1. Myanmar ralkap nih sualnak ngei lo Myanmar rammi pawl pehzul in a thahmi hna hi arianrannak in ngol ding.

2. Ralkap uknak duhlo langhternak le cawlcanghnak ruang ah tlaih a tongmi ramkhel thongtla vialte thlah dih ding.

3. Asian Chairman le Asean Secretary General hi Myanmar ah luhnak nawl pek i, atulio Myanmar kong ah ttuanvo ngeitu bu kip he tonnak nawl pek ding timi hna hi an si.

Nihin ah tuahmi Asean Summit hi suimilam pahnih chung ah lim ding a si nain suimilam pakhat caan an sauh. Myanmar kong ah zapi lungtlinnak an tuahmi zong a um i cu lungtlinnak cathanh cu a rauh hlan ah zapi sin theihternak an tuah te lai.

Crd- The Chin Journal

Relchap: Indonesia ah Myanmar Ralkap Uknak Duhlonak a Langhtertu Cheukhat Tlaih an Tong.

May be an image of 1 person and standing

Asean Summit kai ding in Indonesia ram ah Min Aung Hlaing a phak lecangka in Indonesia zatlang bu pawl nih duhlo langhternak an tuah i, Indonesia palik nih duhlo langhternak a tuahtu cheukhat an tlaih hna.

May be an image of one or more people and people standing

Atutan Asean ramhruaitu hna tonpumhnak ah Myanmar kong biapi in ceih an timh i, Myanmar uknak chuttu le rammi 740 hrawng a thattu Min Aung Hlaing an sawm ve caah Democracy le Nuhrin Covo a dirkamhtu Indonesia zatlang bu pawl nih khua tampi ah duhlo langhternak an tuah hna.

May be an image of one or more people, people standing and crowd

Crd- The Chin Journal