Meddle East lei ah ivennak ding ah Israel acoyah nih Saudi Arabia sin ah Missile tha ngai mi phun pek atim,

Kawi Ruat July 5, 2022July 5, 2022

Israel nih Saudi Arabia sin ah Laser Missile defense pek atim,

Israel nih President Biden sin ah Saudi Arabia sin ah Laser Missile Defense pek le kuat sianhnak hal atim tiah tar la nasi, Israel nih an tuah mi “Iron Beam” laser-powered missile defense system cu UAE le Saudi Arabia zong ah, kuat timnak angeih lio ah, Israel nih cun Joe Biden sin ah sianh piaknak lak aher rih kong local media nih an tar lan kong, Times of Israel nih tarlannak angei, mah kong hi an tarlan ni thiamthiam ah hin, Defense Minister, Benny Gantz nih Iran lak ah hnangamnak kong lam ah, mah hrawnghrang circle ah hin tuantinak tha, a um khawhnak ding ah ruahmannak tuah asi kong tarlan asi, July thla ah Biden nih Israel vanlawng angeih ding ah thil fiangternak a um ko lai tiah a beisei kong achim fawn, Tukum hram thawh ah khan United States, Egypt, Jordan, the UAE, Saudi Arabia, Qatar, Bahrain le Israel ram aiawh hna, summit anrak ngeih cang nak ah US hruainak tang ah Middle East alliance dirding in ceihtinak anrak ngeih fawn hna cang khi asi.

Australia zong nih a um thiam ti lo hriamnam zei maw zat Ukraine an bawm than lai pin ah Russia nih thil afir mi an phurnak lawng lian tlaih pia kasi,

A tu ah hin Ukraine ram ah a tlawng lio mi, Australia Prime minister Anthony Albanese nih Australian Dollar 100million man hrawng hriamnam Ukraine cu, a bawm than lai tiah Kyiv khuapi ah news conference-ah a phuang khi asi, Australia bawmnak ding ah hin armoured personnel carriers 14, Bushmaster armoured vehicles 20 le drone tampi a tel fawn lai, Russia nih Ukraine ram hi zar hnih khat ah lak dih asi lai tiah anrak chim diam cang kha asi, amah belte cu atu ah hin thla 5 nak chung ah an lut cang khi asi, Ukraine Armed Forces General Staff thawngthanhtu nih cun, February 24 in July 3 tiang ah Russia nih Ukraine a thuat/doh nak ah hin, an ralkap le hriamnam an sung cang mi zat cu tiin, atang lei bantuk in record an tuah mi anrak langhter khi asi.

(a) Ralkap a thi zat 35,970 hrawng asi cang,

(b) Tanks 1,584 an sung cang,

(d) Artillery systems an sung cang zat 801,

(e) Multiple launch rocket systems an sung cang zat 246,

(f) Air Defence systems an sung cang zat 105,

(g) War plaines an sung cang zat 217,

(h) Helicopter an sung cang zat 187,

(i) Operational and tactical level UAVs an sung cang zat 654,

(j) Cruise Missile an sung cang zat 144,

(k) War ship/boat 15 an sung cang,

(l) Motor le ranker an sung cang zat 2,618,

A cung ah tarlan mi hna hi Ukraine thawngthanhtu nih record an ngeih ning tiah report an pek mi asi, Russia nih mi ram anva thuat/doh ruang ah hin, ram chung umtu ning le kalnak lam tete hna fiang ngai in atheihtu bik cu, an mah Ukraine ralkap hna hi an sir uang ah, ahmunhma remcang nak poh in Ukraine ralkap hna nih anrak thuat ve ruang ah hin, Russia ralkap le hriamnam tampi hna an sungnak chan pakhat as ikan ti khawh lai, Ukraine ralkap hna hi ram caah bia taktein an tang ve fawn tik ah, an duhnak hmun ceu in anrak bawh hna khi asi, Ukraine nih Civilian le building tampi an sung ve ko hmanh ah, mah cu Russia nih ningcang lo in bomb tampi an hman ruang ah asi.

Nizan ah khan Turkey Custom nawlngeitu hna nih cun, Russia nih Ukraine facang (grains) fir piak mi (stlolen), Russian flag an tar nak Bibek Zholy, thil phur mi phun Lawng lian cu, Karasu lawng dinnak Turkey ah an tlaih piak kha asi, Febuary 24 in Russia nih Ukraine a doh hna ah khua zei maw zat an lak mi ah, wheat le grain an chiah nak kudam chung in tampi fir piak in atu bantuk in Lawng lian ah anrak phur chuah mi asi, tampi an fir piak cang tiah news report ah langhter asi,