Mi Zapi Nih An Doh Hnu Ah, Min Aung Hlaing A Holh Ve Cang!

Ralkap bawi Min Aung Hlaing nih nizan ah khan mipi vialte hmu dingin live ah biachim nak angeih. A biachim angaimi nih cun nan rak theih cio lai dah. Bia a chimmi hi mi cheukhat nih cun an zum kho hriimhrim lo. A chimmi hi a sau kho taktak cu chung ahcun a biapi ngaimi cu hihi an si. Min Aung Hlaing nih mipi vialte nawl kan duh hna. Mipi vialte nih an tuar mi le an ruahmi nak in thil dik hi ttanpi cio uh tiah ti ka duh a ti.

Cu lengah kum 2020 election puai ah mee cazin tam tuk thlau in dik fello nak aum caah thimfung lei nawl ngeitu committe hna le Hluttaw le rampi President sin ah mee cazin check tthan dingin nalwl nak kan rak tuah. Asinain tuanvo ngeitu hna an chanbau deuh ruangah hi bantuk in ram pumpi caah tuanvo ka vun laknak cu asi. A tu mee cazin kong he pehtlai in rampi National Administration Councilnih a thar in kan tuah tthan cang. Cu hnu ah check tthan nak tuah asi. Cu dih cun arauh hlan ah mee cazin zong thanh khawh kan i zuam lai tiin a chim.

A tu lawlawse Covid-19 kong he pehtlai in mipi caah bawmhnak an pekmi vialte zong ttha tein kan fim dihko. Bawmhnak a kan pe tuding zong rak kan bawm tthan rih ko uh tiah sawm kan duh hna. Cun Covid-19 sii zong hi myanmar ram pumpi kan chunh dih hna lai tiah achim chap.

Ram hruaitu pakhat dirhmun in ka chim a si ahcun ram caah athabik mi cozah ka dirh lai ii election mee aa fian dih bak in teinak ahmutu party sinah nawl ngeihnak cu tlamtling tein ka ap kolai. A tu caan karlak chung ram nawl ngeihnak ka lak chung zongah hin i uknak lei siseh, ram sipuazi lei siseh ka zawr ter lo hrimhrim. Rampi he hmunkhat te le lungrual tein ka kal pi lai zeihmanh hna hnawh nak ka pe lailo tiah a chim chap.

Cun a chim rihmi cu biaknak lei siseh, kawl pathian biakin ka sak nak ka on piak hna lai ii siangin hna zong Covid-19 he aa tlak ningin ka tawlrel dih kolai. A tu zong siangin kainak kan tawlrel cuahmah liopi a si ko. A bik in cozah pi hi lam ding tein ka kalpi lai ii Myanmar rampi Bengladesh aphanmi hna zong ka auh tthan hna lai tiah a chim chap. Cred:Duwun