Min Aung Hlaing cu Ram chung boruak ah athin phang pah cang rua, Cease fire thla 5 amah nawl tein phuanthan asi, ram chung state le Region hna ah development akal khawhnak ding ah tiah” Adik lo mi bia arak si”

Myanmar ram chung hi State le Region hna he rampi cu Republic ram si khawh ding le ram thanchonak ding ah tiah, state acoyah hna nih rampi acoyah cung ah zumhnak an ngei ko lai tiin Sep 27 ah Naypyitaw ah tuah mi Meeting ah Military council president Min Aung Hlaing nih atu bantuk arak chim mi asi, asi nain mah lio ah hin Tlangcung cheukhat hna Chin state, Kaya state le Shan state thlanglei Pin long khuapi hna ah ralhrang hna he idoh cuahmah lio asi fawn.

Sep 27 ah khan Kayin state demosoe khuapi chung ah faktuk in ralhrang hna he an idoh ko khah, khua chung in 35 cu mei an khangh piak ko tiah KNDF news ah thanh asi, atu bantuk in Min Aung Hlaing nih Lih le Lih longte achim caah tlang cung hram tlai hna nih kan zumh sual lo nak hnga tiah KNDF hna nih mipi le tlangcung hriamnam tlai mi hna sin ah atu bantuk in ralhrang hruaitu bia hi zei tik hmanh ah zumh hna hlah u tiah cathanh nak ah alanghter fwan khi asi.

Atu tiang tlangcung hna sin ah Min Aung Hlaing nih bia achim mi hi pakhat te hmanh tlamtling ter hi a um bal lo khi asi, zingka bia chim mi cu zan lei ah an mah lila nih an buar peng ko ati, atu lawlawse ah cun Kayin state chung ah idoh kahnak hi asang sinsin caah Demosoe khuapi Kungta khuate lei in 50 hrawng hi mei khangh dih asi cang tiah khua chung um mi nih atu bantuk in BBC sin ah arak chim mi asi.

Kaya state ah idohnak atam chinchin ko cang, cun Chin ram chung Than tlang khuapi chung ah ral hrang hna he idoh kahnak long si lo in umnak in 20 leng mei khangh asi fawn, mah caah cun Than Tlang mipi tampi nih nun himnak ding ah an khua an zam tak ko cang, Pastor hmanh zei rel lo in an kut hna tan piak asi, thil hna an lak piak timi cu kanrak theih ceu bantuk asi, mah hna vialte hi Min Aung Hlaing nih lih achimnak ruang ah asi, cease fire anti ve mi cu zei hmanh um zia ngei lo khi asi ko.

Atu ah Cease fire thla 5 an phuan than ko cu, mah cease fire an phuannak chan pakhat cu, tlangcung hriam tlai pawl le PDF/CDF hna cu hmunkip kengkip ah an um cang timi hi Min Aung Hlaing nih fiang te in atheih ko, thin phang in a um ko cang caah, zei maw tal in lam kawlnak sawh sawh asi, an ralkap ngeih mi hna zong atlawm chinchin cang cu, zei hmanh Idea tha angei kho tilo, tlangcung hriam tlai mi hna ca long ah cease fire an phuan-i, anmah ralkap hna caah asi lo timi afiang ngai ko cu, achan cu an phuan lio lala in ral an doh thiam thiam ko cu! Min Aung Hlaing zia.

Min Aung Hlaing nih atu ah cease fire thla 5 an phuanthan mi hi lih asi zia le international hna zong ah phuan ding asi ko, tlangcung hriam tlai hna thlennak asi timi hi afiang tuk cang, mah caah cun NUG le nawlngeitu hna nih zumh hrimhrim ding asi lo timi hi KNDF nawlngeitu hna nih atu bantuk in nawlnak atuah mi asi.