Min Aung Hlaing nih PDF/CDM/mipi ralkap uknak duh lo hna an tlaih hnu ah anhrem ning phun 14 hna hmang in hremter asi,

Min Aung Hlaing Chim piak bang in ralhrang hna nih an tlaih mi PDF le Mipi hna room hmete ah chiah in hremnak phun 10 hi tuarter dih hnu ah thah arak sit awn tiah Khit Thit media nih fiang tein an langhter cang, Yangon ram chung ah ralhrang hna nih an tlaih hnu ah atu bantuk in aphunphun in hremnak an tuarter hnu ah thah arak sit awn mi hi minung 100 leng hi confirm asi cang tiah news report ah langhter asi, mah hmanh ah Khit Thit media nih atheih mi te long asi, atheih lo mi tampi an um ko lai tiah zumh asi fawn, mah hna hi zei tin dah an theih khawh tiah halnak cu, minung pakhat arak luat mi sin ah Khit Thit media nih bia arak halnak in mah thil cu theih asi, aluat mi pa zong thi cang ah an ruah mi asi nain, ahnu ah arak nung than hnu ah azam/tli in arak luat khi asi.

An hrem ning hna cu:-Ahmasa bik ah an tlaih mi cu a mit hren piak asi, ralhrang 40-50 hna nih pakhat hnu ah pakhat leng mang nih duh tawk in an tuk/velh hna, an hman mi thilri hna cu, wire hri, tiang thing, mau pum, hri phun khat le adang dang hna he an tuk/velh ceu khi asi mah hmanh ah ngandam lo mi caah cun thih nak atling cang tiah ati.

Alu cu thingphek kar ah rawlhter asi, alu cu thing phek kar lak ah rawlhter in an tuk/velh khi asi fawn, ralhrang hna nih alung ah thawngh ding in akut ah thir zum mi bunh in, duh tawk in an thawngh, an beng hna, thisen hna achuak cheu khat hna cu alung amit mi zong an um, an tap an au hna zong ah umzia angei lo, kuak mei hna he an deh, cuticun nikhat chung ah adawt tete in pakhat hnu ah pakhat nih an hrem hna hriam hma ngei mi zong tampi an um khi asi.

Aka chung ah tisa lintuk mi an tawih piak hna, An thawnghnak ah Ha/dental kiak mi an tampi ko ati, abik in PDF hna hi cu athi tiang hremnak an pek, an hrem ning zong phun tampi in, nikhat chung ah vawi tampi tisa an tawih pin ah aha/dental cu hri in an khih piak hnu ah fak ngai in an dawh piak cu minung fa tuar ahar bak ko ati, nihnih nithum hnu ah cunt hi ding hrimhrim kan sic ang tiin kan ruah ceu cang tiah ati.

Namte he vun/kut tan piak taw nasi, acan ah namte cu mei ling ah chiah in kan taksa hna ah akan deh afaktuk ning cu thi lawlaw hi thim cang atam ngai nain kan thi cawlh khawh fawn lo, kan taksa hi hmun kip hi hriamhma hmun 50 nak tam hna kan ngei, cuticun chun nitlak tiang akan hrem ning asi ati.

Kut zung kar le Ke zung kar lak ah Thir lintuk mi he akan sawh piak, taksa nak in kut kar le ke kar ah thir ling asawh mi cu tuar har bik cem asi, afak ning cu chim thiam ahar ko, Yangon gate arak kah mi PDF pakhat le bang cu ka zoh ngam bak lo ati, akut zung tan piak dih, ake zung zong tan piak dih asi thisen longte in akhat ko, thah her lo te in atheizing ah amah tein athi ko tiah ati.

Motor he an kut an ke relter asi, vawlei ah bawhter in motor he akut ah siseh ake ah siseh an relter afak chinchin ko ati.

Tisa ah alu pilter in hrem asi, kan sam hna cu atla dih ko, sam met/cut aher lo kha ti khan sam met/cut asi ko cang tiah akan ti, Arthah lio ah tisa kan tawih bantuk kha asi ko nan theihthiam ceu ko lai tiah ati.

Palang/bottle keh tampi le lung har ngai mi cung ah khup bil in akan kalter asi, kan kal thiam lo ah cun akan tuk/velh chih khi asi, cheu khat cu can sau pi khup bilter cung in akan dirter hna khi asi ati.

Ni lintuknak karlak ah angki lum le longpen lum akan hrukter hnu ah daihlim um lonak alintuk mi hmun ah can sau ngai akan umter kan taksa zong anak dih pin ah hriamhma ngei caah cun tuar khawh asi lo tiah ati.

Mipa sinak atanglei thilri cu kuak mei he an deh piak taw nasi, vawikhat ah hmun 4-5 ah kuak mei akan dep minung le minung kan tuar ning hi a rapthlak tuk ko e ati.

Doctor, Teacher, staff, student hna le adang dang hna cu ningzah mualphoter taw nasi, ralhrang hna nih a phunphun in zawmtaih asi, tak lawng bak in umter in atang lei an thilri hna cu hri hren piak in Caw hna leikuang ahter bantuk in hnu lei hmai lei ah an dawh piak hna khi asi.

Nu hna cu tlaihhrem ning phunphun in tlaih hrem asi hnu ah, media nu pakhat zong an tlaih mi cu minung 5 hna nih duh tawk in an tlaihhrem suapi hnu ah, an thilri hna cu akut le ke hna he sawh/lamh piak, thilri hmul hna cu dawh piak vawi tampi an sualpi cang hnu ah cunt hah nak hmun ah chiah taw nasi.

Room hmete ah chiah in ti an tawih piak, zan it kho lo ding ah ti vawihnih thum hna an tawih piak an hnipuan hna chun nitlak in acin peng khi asi ngandam thatnak a um lo hrimhrim damlo zawtnak angeih hnu ah room dang hna ah thial asi.

Raw lei lo, ti dinter lo in ni zei maw zat chiah asi, ti zong akhawlhter bal lo, thurhnawmhnak hmun ah umter asi.

Mah hna vialte hi Min Aung Hlaing nawl peknak in ralhrang hna nih an tlaih mi PDF/CDM/Mipi/Media hna an hrem ning phun phun asi.

Ref: Khit Thit Media