Mindat khua mi hna phayawngdan vaan in thlacamnak an ngei. Aa dawh kho tuk!

Uar an um law law, a zoh hrim zong aa dawh tuk. Ralkap nih uknak duh lo nak langhter nak ah le, Kawlram mipi nih luat nak Democracy kan hmuh khawh nak hnga caah tiin, Mindat khuami hna cu hmun khat te ah i pum ti hna in Phayawngdan vaan bu tein thlacamnak an ngei.

A chuak kho mi hi mino deuh long te an si. Uar an um kho tak tak. an no lio te in Ram le miphun caah an i pek khawh mi hi. Hruaitu upa 5 hna nih an hruai hna i cuticun thlacamnak an ngei hna. Zoh ah hin an i dawh tuk hna. uar an um tuk hna. Bawipa tu nih an thlacam nak hlawh tlin ter ko seh.

May be an image of one or more people, people standing and outdoorsMay be an image of one or more people, people standing and fireMay be an image of one or more people, people standing, fire and candleMay be an image of candleMay be an image of one or more people, people standing, fire and candleMay be an image of one or more people, people standing, fire, crowd and outdoorsMay be an image of one or more people, people standing, candle and fireMay be an image of one or more people, people standing, fire and candle

Photos- Hah Kalay.

Thawngdang Relchap: Hakha Innwa bank ah riantuan mi Laipa CDM ah aa tel ca ah rian in an phuah!

Hakha Innwa bank ah rian a tuan mi Francis cu CDM ah aa tel ruang, February 17 zaanlei ah rian in an phuah tiah kan theih.

May be an image of 1 person, standing and road
“CDM an thokka Zarhteni in zung ka kai ti lo. Kan manager nih a ka auh i nikhatni in zung na rak kai lo ahcun cunglei ka chimh hna lai i rian in kan in phuah lai a ka ti. Nan duhning poh in ka tuah ko uh. CDM a dih hlan lo cu zung ka kai lai lo ka ti hna. Nizaan February 17 ah kan manager nih a ka chawnh i cunglei pek ding ah chuahnak ca rak tial a ka ti. Ka tial lai lo tihin ka chuah ko uh ka ti hna,” tiah CDM ah aa tel mi Innwa bank ah riantuantu Francis nih The Hakha Times ah a chim.
Innwa bank ah riantuantu dihlak an chuah mi telh in minung 11 an si. Innwa bank riantuantu ah Laimi nakin Kawlmi an tam deuh tiah kan theih.

No photo description available.