Mindat Khualuhnak Khua Pawl Ralkap Pawl Nih An Duah

Mindat khualuhnak khua pawl khuakhat hnu khuakhat rallokap nih April 27 ah an duah tiah theih a si. Tuzing suimilam 9:30 hrawng in Mindat luhnak Thinchaung in a rak kai mi rallokap mawtaw mipi nih an kham i sau lak te an i kap.

“Mindat khua luhnak khuakhat hnu khuakhat rallokap nih an khangh,rallokap mawtaw 3 an si hriamngan in an kah ruangah mipi lei hnu an tolh” tiah tuanvo ngeitu pakhat nih a chim.

Rallokap pawl hi Mindat khuachung ah an lut i umhmun an khuar,pasal pawl tlaih dingin an kawl hna,rallokap dang an i thleng chom lai tiah theih a si.

Crd- The Chin Post.

Relchap: Mindat Khua Lak Ding in Kawl Ralhrang Thazaang Tampi An i Chap

Mindat Khua Lak ding in Myanmar SAC Ralkap nih Thazaang Tampi in an Rak Doh. Mindat Khua ah Mipi le Ralkap biatak tein an i kap hna i Mipi lei CDF Chinland Defence Force nih an tei deuh hna le Ralkap lei in a thi mi an um ruangah Ralkap lei nih biatak tein Mindat lak ding in an thazaang an thawnternak a si.

May be an image of tree and road

Mindat khua lak ding in Myanmar SAC ralkap nih nihin zinglei ah Kalay, Gangaw le Pakukku lei in ralkap thazaang tampi an chap, tiah thawng kan theih. Mindat he meng 12 a hlatnak hmun ah a ummi Htinchawng khuate ah mipi le SAC ralkap karlak ah kahdohnak a fak ngaingai.

SAC ralkap nih bomb hmang in khuachung inn pawl an kah caah inn cheukhat zong an kaang. Nihin zinglei sml. 9:00 hrawng in kahdohnak a chuah tthan hi a si i, atu ahcun SAC ralkap pawl hi Mindat khualuh lai hrawng ah an phan i Mindat khuami tampi zong ramlak lei ah an zaam hna.

Mindat khuapi chung ah SAC ralkap nih fek tein hmunkhuar khawh ding in thazaang tampi he an doh bang in Chinland Defense Force (Mindat) zong nih Lai meithal pawl he an doh cuahmah ve hna. Atu tiang ah cun i kahdohnak ah kap hnih hliam a pumi le a thimi an um le um lo fiang in theih a si rih lo.

Crd- The Chin Journal