Mindat lei Thawngpang A Zual Chin Chin Kho Dirhmun A Si Cang!

Matupi – Mindat Kar Meng 21 Ah Rallokap Mawtaw Pathum A Kang I Rallokap Lei A Thi An Um. Ralkap Mawtaw zong Mindat lei ah tam deuh an rak ra chap tiah Kalay lei nih thawng an rak thanh hna. A tanglei bik ah Mawtaw an rat chap nak kong cu kan van ttial lai.

Chin ramkulh mindat khua ah nawl ngaihnak la rallokap le mipi humhimnak phu tuzan lei ah i kahnak a chuak Mindat khua hmailei veng ah palek mawtaw pakhat le Matupi-Mindat kar rallokap mawtaw pahnih mei in an kang i rallokap lei a thi mi an um tiah theih a si.

Mei in kanghmi mawtaw hna hi Mindat lei in Makuai ramthwn Coihhu lei in a rak ra mi palek mawtaw le Matupi khua in Mindat lei ah rallokap bawmhchanh dingin a ra mi rallokap mawtaw pahnih an si tiah theih a si.

“Matupi-Mindat kar meng 21 ah rallokap mawtaw pahnih meikhangh a si, panga hrawng an thi,Matupi lei in rallokap bawmchanh dingin a ramu cu kah an si tiah “khuami pakhat nih a chim.

Mindat khua ah tuzanlei a cangmi ah zanlei suimilam 5 le cheu tiang pehtlaih khawh tawk ah i kah thawng a dai rih lo a thimi le hliamtuar mi fiang hlang in theih a har ngai caah fianghlang in kan rak langhter than te lai.

Khonumthung.

Kalaymyo in rallokap khat thup in citmi rallokap mawtaw pahnih,palek mawtaw pakhat cu tu zanlei suimilam 5:00PM ah Natchawng-Kangaw lei ah raang ngai in an kal tiah mithmu tu pakhat sinin thawng theih a si. Mah Rallokap mawtaw hi Mindat lei ah kal an i timh a si ahcun thaizing ni chuah hlan ah Mindat an phan lai.

Crd- The Chin Post.