Minung Hawi Cungah Zawnruahnak A Ngei Mi KIA.

Minung Hawi Cungah Zawnruahnak A Ngei Mi KIA.

Minung nunnak pakhat hi a biapi tukmi a si,ni zan ah A Law Bum tuk nak ah Ralkap minung 30 leng KIA nih an tlaih hna. Sunghding a fiang cang mi ralkap lamthluan ah meithal he tlai in minung sining man cu, KIA nih ralkap nunnak cu man ngei dingin KIA nih an tlaih hna.

Hmanthlak chung i hi anmah mithmai a si tiah theih a si,an nih hi ralhrang misual kan nih zong nih an nawl kan zulh hna ahcun an mah bantuk in ralhrang le misual kan si lai.

Minung hawi cungah zawnruahnak a ngei mi KIA ralkap lungthin put hi a dawh tuk hringhran. KIA mipi ralkap caah thlauchuah hmu ko law.

Kachin View

Crd- Chin Post.

Relchap: Ralkap nih tlaih bal mi U Hting Linn Naing a nunnak a liam.

Hakha Ralkap le Palek nih rak tlaih mi U Hting Linn Naing (Kum 27) cu, Ralkap umnak 266 le Palek thonginn ah zaanli an chiah hnu ah chuah a si i, thonginn a chuah hnu ah thin lei damlonak le pawpi lei damlonak in a nunnak a liam.

“Hting Linn Naing hi Yangon, Hlaing Thayar in a ra mi a si i Hakha ah rian a tuan mi a si. Amah hi a hlante in thin lei damlonak le pawpi lei dam lonak a rak ngeicia mi a si i, a dingei pah mi zong a si. Thong in a chuah hnu ah voi khat sii-inn ah aa thlop.

Sii-inn voi khat aa thlop hnu ah tlawmpal a dingei pah than i a voi hnihnak sii-inn ah a va zohter ahcun a thin rian a tuan ti lo tiah an ti i hi bantuk in a nunnak a liam hi a si,” tiah a thi mi chungkhar he naihniam in bia aa ruahtu pakhat nih a chim.

U Hting Linn Naing hi March thla donghlei ah Ralkap nih amah tel in minung panga an rak tlaih hna. Ralkap umnak 266 le Palek Sakhaan ah zaan li chiah an si i a hrem zong an hrem hna.

Thonginn in chuah an si hnu ah amah he tlaihti mi hna zong riantuan kho loin ni zeimawzat an i thlop, tiah kan theih. U Hting Linn Naing cu April 14 zinglei 10:00, Hakha Thlaan No.1 ah Buddhist Biaknak Phung in a ruak an vui.

Crd- The Hakha Post.