Mipi nih Thlacamnak in bawm cio hna usih!! Matupi ah Pastor Pa le Mino 3 an tlaih hna.

Matupi zong ah pastor Van Bawi Thawng le mino pathum Sai Nawlar , Swam David le Salai Amon hna cu ralkap nih March thla ni 10 zaan ah an tleih hna.

May be an image of 5 people, people standing and text that says "WEDDINGCER MONY @K Pastor Van Biak Thawng Sai Nawlar Swar David Salai mon"

Ni hin March 11 zong ah zing 9am in zaan 7pm tiang biaknak lei bukip pastor hruai tu hna le mipi ii fonh in chuah piak ding ah nawl nak le aamah khan piak ding in an nawl hna nain ral kap lei nih an duh lo .
Him ten le dam ten an chuah khawh cio nak hnga thla cam nak in bawm cio hna uh sih.

Crd: Chin Post.

Relchap: Kawl Ralhrang Tazacuai Ding in Upadi Thiamsang Tak Tak Bu An Hlan Cang Hna. (GOOD NEWS)

Myanmar Ralkap Tazacuai Ding in Upadi Thiamsang Bu kan Hlan Cang, tiah Dr. Sasa nih Theihternak Tuah

Myanmar ram uknak a chuttu le lamzawhtu pawl cung ah tuksum nuhrin covo buarnak a tuahtu Myanmar ralkap tazacuai ding in vawleicung minthang upadi thiamsang bu (Volterra Fietta) kan hlan cang, tiah Dr. Sasa nih theihternak a tuah.

“Hi bantuk tazacuainak rian hi caan sau cu a rau ko lai. Sihmahsehlaw, tuksum nuhrin covo buarnak a tuahtu ralkap, palik le a dang ttuanvo ngeitu minung hna dantat an si nakhnga kan thiamnak dihlak, kan sining dihlak le kan thazaang dihlak in kan ttuan lai. Tazacuai nakding ah a herhmi tehte tampi kan khawmhsuat cuahmah lio zong a si,” tiah Dr. Sasa nih a langhter.

Dr. Sasa te nih an hlanmi upadi thiamsang bu Volterra Fietta hi vawleicung upadi lei ah mi nih an upat ngaimi Robert Volterra nih a hruaimi bu a si.
Cun, vawleicung ram kip ah nuhrin covo buarnak case kong a tawlreltu Alvaro Nistal zong Myanmar ralkap tazacuainak rian ah aa tel ve lai.

Robert Volterra le Alvaro Nistal hi International Criminal Court (ICC), International Court of Justice (ICJ) le a dangdang vawleicung biaceihnak zung pawl ah ram tampi aiawh in rian a ttuan cangmi hmuhtonnak ngei upadi thiamsang an si hna.

(CRPH’s Statement)
The Chin Journal
March 11, Yangon