Mizaw Biatak Tein An Tam Lio Ah Sibawi 3 Nih Caan Ttha Ser An I Tim!

India Ram Ah Mizaw Ihnak Pakhat Caah Rupee Sing Khat A Hal Mi Sibawi Pathum An Tlaih Hna. India ram Pune’s Pimpri Chinchwad sizung ah mizaw pakhat ihnak caah rupee singkhat (Kawlram tangka in sing kul) a hal tu sibawi pathum cu nizaan ah Pune palik nih an tlaih hna. Covid zawtnak a karh ning a raan tuk caah sizung ah mizaw tlum lo in an um hna.

May be an image of one or more people, people standing, people sitting and outdoors

Crd- The Chin Post.

Relchap: BREAKING: Hakhathar ah Bomb Puah Thawng le Meithal Kah Thawng a Thang!

Hakhathar ah Bomb Puah Thawng le Meithal Kah Thawng a Thang. Tu zaan sml. 11:30 hrawng ah Hakhathar ah Bomb voi khat puah thawng le meithal kah thawng voi 10 hrawng a thang, tiah Hakhathar khuasa hna nih The Chin Journal ah an chim. Bomb puah thawng le meithal kah thawng a thang nain kahdohnak a um le um lo fiang in theih a si lo.

Crd- The Chin Journal.

Relchap: Tlangcung Ah Training La Dingin A Kaimi Mino 70 Ralkap Nih An Tlaih Hna! (A Poi Tuk Ee)

Kareni ah Mino capacity building training a kai mi mino 70 cu April 30 ah khan ralhrangbu nih an tlaih hna tiah theih a si. Mah Mino pawl hi Pharusoe khua luhlai palek le rallokap pawl nih runvennak an laknak kutka hrial in lam dang in an kal lio ah tlaih an si- “Pharusoe khuapi lam hrialnak lam dangah an bawh i an tlaih hna i Mawtaw pahnih in an kal pi hna, kan ram chung mino pawl an si ko” tiah min tthup khuami pakhat nih a chim.

Capacity Building Training A Kai Mi Mino 70 Ralhrang Rallokap Nih An Tlaih Hna

Mah mino hna hi Lweikaw le Dimawsoe peng mino hna an si i, tlangcung hriamtlaibu pakhat nih kum fatin (nipi) ah an tuah tawn mi Mino Capacity Building le Leadership training a va kai mi hna an si tiah minthup mi mino pakhat nih a chim.

An tlaih mi mino hna hi May thla ni 1 zanlei ah Lweikaw thonginn ah an zohfel(စစ္ေဆး) lio a si tiah theih a si. Kan hnu April thla a hnu bik zarah zongah Pharusoe khua chungah mino pahnih hna cu ralhrangbu nih an rak tlaih bal cang hna, a tu zong ralhrangbu duhlonak langhternak ah aa tel mi Mino hruaitu hna cu an kawl hna i an tlaih pah lengmang ko hna tiah khuami nih an chim.

Crd- The Chin Post.

Relchap: BREAKING: Cawbuk Kahdohnak ah SAC Ralkap 4 an Thi tiah CDF nih ThawngFiang An Chim.

Hakha, Cawbuk sang Check Point kahdohnak ah SAC ralkap 4 an thi, tiah CDF nih Mizzima thawngzamhnak ah an fehter. CDF upa pakhat nih, “Matupi in Hakha lei rak luhnak ah SAC ralkap check point a um. Cuka ah cun ralkap 7 an um i CDF nih kan kah hna. Minung 4 fak ngaiin kan hliamh hna i pakhat cu a hmun ah a thi. A dang pawl zong an thi tiah chim khawh a si ko. Kanmah CDF lei in cun aa hliammi kan um lo,” tiah a chim.

Zaan sml. 6:45 hrawng in kahdohnak a chuak i sml. 8:00 hrawng ah kah thawng a dai. Kahdohnak a chuahnak hmun lei ah ralkap motor pathum zong an kal. Kahdohnak a chuahnak pawng hrawng i khuasa pawl hmun dang ah aa tthialmi zong an um hna.

Crd- The Chin Journal

Relchap: Nihin Ah Lamzawhtu Minung 3 Meithal Kahnak in an Nunnak a Liam.

Nihin May 2, Myanmar ram huap lamzawhnak ah khua cheukhat ah SAC ralkap le palik nih meithal in an kah hna i Shan ramkulh ah minung 2 le Kachin ramkulh ah minung pakhat atu tiang ah an nunnak liam.  Shan ramkulh, Thipaw khua lamzawhnak ah SAC ralkap le palik nih meithal in an kah hna i, Muslim tlangval pakhat a nunnak a liam. A dang minung 2 hliamhma an pu.

May be an image of 1 person, standing and outdoorsNo photo description available.

Cun, Shan ramkulh chung thotho a simi Naungcho khua zong ah meithal in an kah hna i pa pakhat a nunnak a liam, tiah Shan thawngzamhnak nih an langhter. Kachin ramkulh, Phakanh khua lei panh in lam a zawhmi Lungkhin khua lamzawhtu mibu zong an kah ve hna i minung pakhat a nunnak a liam. A dang pakhat hliamhma a pu.

May be an image of one or more people, people standing and outdoors

Mandalay, Monywa le Swebo lamzawhtu pawl zong tthenhmal an tong i sianginn sayamate telh i minung tam nawn tlaih an tong. Yangon ramtthen, Insein lamzawhtu pawl zong SAC ralkap le palik nih an tthenhmal hna i minung 7 hrawng tlaih an tong.

May be an image of 2 people, people standing, crowd and outdoors

Crd- The Chin Journal

Relchap: CDF-Mindat le SAC Ralkap Ceihmainak ah Hnatlaknak Cheukhat an Tuah Khawh

CDF-Mindat le SAC Ralkap Ceihmainak ah Hnatlaknak Cheukhat an Tuah Khawh. CDF-Mindat le SAC Ralkap karlak ah kahdohnak ni 4 chung a chuah hnu ah kap hnih ton biaruahnak an ngei hna i hnatlaknak cheukhat an tuah khawh, tiah kan theih.

Hnatlaknak an ngeihmi hna cu:

(1) Mindat ah SAC Ralkap nih thazaang chap lo ding.

(2) Khuachung le acozah zung kiangkap ah CDF-Mindat nih hmunhma an khuarmi vialte i thawn dih ding.

(3) Khuachung ah runvennak a latu SAC ralkap/palik pawl Mindat mipi nih ralser lo ding.

(4) Bank, Sizung, Sianginn tibantuk mipi umkalnak hmun ah SAC ralkap nih hmunkhuar lo ding.

(5) CDF-Mindat chungtel pawl hi hnu Mindat khuachung ah ahlan ningkel in khua an sak tik ah SAC ralkap le palik nih hnahnawhnak le tlaihkhihnak tibantuk tuah lo ding timi pawl hi an si.  CDF-Mindat le SAC ralkap karlak ceihmainak hi thaizing May 2 ah an peh tthan lai.

Crd-The Chin Journal