Naga leader thah asi caah an buai ngai mah kong ah hin Joint Action Committee JAC-nih strike an ngei,

29th September 2021 Manipur-ah Naga leader asi mi Athuan Abonmai thah asinak kong ah, Joint Action Committee (JAC) nih an thil deman tuah mi dang dang hna cu, tlamtlingter ding ah acoyah cu an nawl hna, Nikhat zan iin suimilam 48 chung strike an tuah, JAC convener Maja­bung Gangmei nih zarh liam cang Saturday ah khan acoyah ah an thil hal mi an pek cang tiah chim in, hma lak piak asi lo caah atu bantuk in strike an tuah mi asi.

Acoyah ah thil an hal mi chung ah hin, Zaliangrong leader, Abonmai case cu National Investigation Agency (NIA) kut ah pek, Tamenglong DC le SP suspend pin ah, Abonmai chung hna sin ah bawmnak pek, mah hna hi nikhat ni zan ah khan JAC aiawh hna nih cun chief miniter N Biren Singh hmu in, asi nain an thil hal mi cu can tlawm pal pekrih ding ah acoyah lei nih nawlnak an tuah ruang ah, an irem kho rih lo khi asi, State acoyah nih hin Tamenglong DC le SP thialnak ding ah nawl an chuah cang, JAC lei nih hin suspend ding ah an duh tiah thei asi.

Manipur home secre­tary Gyan Prakashbon nih Abonmai case hi NIA sin peknak kong ah, thil kalpi lio asi tiin, ministry of home affairs-ah special secretary zong cakuat pek asi cang tiah achim, JAC nih an thil hal mi hna hi tlamtling asi hlan tiang, Abonmai ruak cu RIMS morgue-ah a um rih peng ko lai tiin an chim, nain CM he an ichawnh hnu ah khan autopsy tuah rem an ti, Phum/vui nak can belte cu ruah than asi te lai ati, Imphal West-ah Langol Tarung khua zong ah nikhat ni ah khan Nu hna nih, Abonmai athattu hna cu tlaih in hremnak pek hrimhrim ding ah tiah, sit-in protest an tuah fawn hna khi asi.