Newzealand nih Britain ah Ukraine ralkap hna ral doh ning le hriamnam hman ning an cawn piak,

Ukraine ram caah thawngpang tha taktak khi asi Russia Supply Route Crimea ah um kah chiat asi,

Nihin idohnak kong ah Russia supply route Crimea ah um mi cu, Ukraine nih an kap chiat piak tiah achim, an lawmnak pakhat cu zar hmasa ah kahn, Crimea Russia military base, an kap chia pin ah Jets 8 bak achia fawn kha asi, Crimea Dzhankoi ah hin railway junction pawimawh ngai mi a um, an peninsula zong ah biapi bik occupied Melitopol tiang ralkap hriamnam an supply nak lam bi kasi, Mah Russia supply route hi Ukrainian frontlines hna um nak in, 125 miles (200km) asi, electricity substation a um fawn, mah hmun cu Ukraine ralkap nih fiang ngai in an kap chia tiah news site ah arak langhter mi asi.

Ukraine nih Russia military targets 2 fuh ngai ngai in an kah khawhnak chan pakhat cu, US-nih an supplied mi HIMARS system san tlai ngai in an hmang khawh ruang ah asi timi hi afiang ko, Nihin thil cang mi ah officially  in phuan asi pin ah, Senior Ukrainian hna nih an lawm zia thuhpheh bak lo in an chim khi asi, Mykailo Podolyak, an adviser to the president, Volodymyr Zelenskiy “A reminder Crimea occupied by Russians is about warehouse explosions and high risk of death for invaders and thieves.”

New Zealand-nih Britain-ah Ukraine ralkap hna cu training a pek lai, New Zealand acoyah nih cun Ukraine idohnak hmun ah ral hmai front line ah um ralkap hna training pek ding in ralkap 120 cu Britain-ah an kalter lai tiah arak phuan cang, Infantry training team pahnih hna nih hin Ukraine ralkap hna cu, raldoh training cawn piak le hriamnam hman ning hna, combat first aid, operational law le thiamnak dang an cawnter fawn lai tiah achim.

Acoyah thawngthanh nak nih alanghter mi cu an ralkap hna hi Ukraine-ah kalrih lo in, Britain-ah Ukraine ralkap 800 hrawng hi training an pek lai tiah achim fawn, “Ram pakhat nawlngeihnak le sualnak ngei lo minung nunnak lak piak hi thil dik lo mi asi, ngaihthiam aphu lo, kan soiselnak hi holhka in chim sawh sawh nak in ataktak in, kan langhter lai pin ah, bawmnak pawimawh ngai ngai mi zong pek chih asi lai tiin, Prime minister Jacinda Ardern nih a chim.

New Zealand ralkap hna cu Ukraine-ah idohnak ah an tel ve lai lo, New Zealand-ah defence lei riantuantu minung 30-hna nih cun May thla ah khan Ukrainian military personnel-hna cu artillery hman ning kong ah, training anrak pek cang fawn, February 24-ah Russia-nih Ukraine ram a thuat hnu ah New Zealand nih hin, Ukraine bawmnak ding ah hin US$25.70 million an pek cang hnu ah, Russia mi le sa pawl minung 840 hrawng hren/phihnak atuah piak cang fawn khi asi.

Donald Trump nih FBI hna nih a passport 3 an lak piak tiin cathanhnak atuah, lak piak zong si lo afir in an fir/ stolen’ tiin a puh, ‘Passport 3 akan lak piak, 1 cu expire ‘ a timi hi a dik ah cun khawika hmanh atlawng kho lai lo tinak asi, Nain Justice Department hna nih Donald Trump thil chim mi hi an leh cawlh, FBI chung ami hna CBS sin ah FBI  agency hna nih Mar-a-Lago mansion an luh chuah ah Passport a tello ati, Donald Trump nih FBI agents hna nih an tuah ning hi Politics ral bantuk timnak ngei asi ati, ‘Wow. In the raid by the FBI or Mar-a-Lago, they stole my three Passports (one expired), along with everything else. This is an assault on a political opponent at a level never before seen in our country. Third World,’ tiin Truth Social media account ah a tial.

Trump nih Fox Digital sin ah boruak sang tuk daihternak caah amah le atanhtu hna nih FBI bawm ding ah offer an pek chuah kong achim cang, The White House nih President Biden nih Trump umnak in luh chuah cu, arak theih cia mi asi ve lo, mipi hna theih rualrual in ka theih ve cauh khi asi ati, House Speaker Nancy Pelosi zong nih FBI hna cawlcang ning ah ka lau bak tiin achim ve fawn, Attorney General Merrick Garland nih FBI agents hna Mar-a-Lago luh chuah sianh nak a pek chan bik cu, ‘federal law’ tang ah ‘presidential records’ hrimhrim hi acoyah kut ah long um ding asi, Donald Trump nih hin classified documents achiah thiang lo asi an ti.