Nihin Hakha Khuachung Ah Ralkap An Dirhmun le Cawlcanghnak!

Thazaang Tam Ngaiin Hakha Khuachung ah SAC Ralkap an i Choklet. Hakha, Cawbuk sang lei ah kahdohnak a chuah hnu nihin May 3 ah Hakha khuachung ah SAC ralkap pawl thazaang tam ngaiin an i choklet hna.

May be an image of road and cloud

Chun sml. 2:00 hrawng zong ah SAC ralkap motor 6 le palik motor 4 in Hakha Market hmai ah an dir hna i a rauh hlan ah Lansone lei ah an ttum hna. Hakha khuachung ah kha hlan nakin mi an king i, dawr cheukhat zong an khar hna.

May be an image of road

May be an image of motorcycle, road and sky

Crd- The Chin Journal.

Relchap: KIA Nih Ralhrang Helicopter An Kahmi Vaan Ah A Kaangh Thluahmah Lio Video!

Tuzing cu thawngpang kan theih mi cu lung a nuam kho tak tak si. Ralhrang nih KIA hriamtlai hna cu vanlawng le helicopter in an rak tuk peng hna. KIA lei nih Vanlawng le helicopter an ngeih ve lo tikah vawlei ri long in an doh khawh hna. Sihmanhsehlaw tuzing i kahdohnak ah KIA bak nih Ralhrang helicopter 1 cu an kah i, Vaan cung ah kaang cuah mi in vawlei ah a tla. A tang lei ah Video cu kan van langhter lai.

Crd- Khin Myo.

Relchap: GOOD NEWS:- KIA nih SAC Ralkap Helicopter Tla Lak in an Kah! Lung A Hmui Kho Tuk ee..

KIA nih SAC Ralkap Helicopter Tla Lak in an Kah. Nihin zinglei sml. 10:00 hrawng ah Kachin ramkulh, Moemok peng, Kunglawng khuate pawng ah KIA nih SAC ralkap helicopter pakhat tla lak in an kah, tiah Kachin thawngzamhnak pawl nih an langhter. Tutan KIA le Ralhrang an i kahnak ah KIA nih lunghmui bik mi le diriam bikmi thil an tuah mi a si. Lawm a um kho tak tak. KIA Salute! Bawipa nih in umpi ko hna seh.

May be an image of outdoorsMay be an image of sky, mountain, tree and natureMay be an image of outdoors

Crd- The Chin Journal.

Relchap: Hakha Khuachung Ah Zulh Awk A Herh Tak Tak Mi Nawlnak.

Hakha khuachung ah motor aa cit mi nih thlalangawng hon ding tiah mino lei nih nawl. Hakha Motor a nei mi Mipi sin nawlnak. Hakha zongah CDF dirh a si ve cang tik ah an cawlcanghnak a tlamtlin khoh nak hnga caah a herh tak tak mi a si. Mipi nih kan tuah khawh tawk te le kan ti khoh tawk in kan dirpi hna in lam a um mi kip in kan bawmh ve hna awk a si.

Chin State Parliament House and Hakha City View- 4K - YouTube

Hakha Mipi sin nawlnak:-

– Hakha khuachung motor a mawng/ ai cit mi poh nih motor thlalang awn piak dih ding in kan I nawl hna.

– Uico pawl mipi bantuk in motor an I cit ve ruangah mipi le uico kan I thleidan khawhnak dingah kan I nawl hna.

Crd- The Hakha.

Relchap: Tlangcung Ah Training La Dingin A Kaimi Mino 70 Ralkap Nih An Tlaih Hna! (A Poi Tuk Ee)

Kareni ah Mino capacity building training a kai mi mino 70 cu April 30 ah khan ralhrangbu nih an tlaih hna tiah theih a si. Mah Mino pawl hi Pharusoe khua luhlai palek le rallokap pawl nih runvennak an laknak kutka hrial in lam dang in an kal lio ah tlaih an si- “Pharusoe khuapi lam hrialnak lam dangah an bawh i an tlaih hna i Mawtaw pahnih in an kal pi hna, kan ram chung mino pawl an si ko” tiah min tthup khuami pakhat nih a chim.

Capacity Building Training A Kai Mi Mino 70 Ralhrang Rallokap Nih An Tlaih Hna

Mah mino hna hi Lweikaw le Dimawsoe peng mino hna an si i, tlangcung hriamtlaibu pakhat nih kum fatin (nipi) ah an tuah tawn mi Mino Capacity Building le Leadership training a va kai mi hna an si tiah minthup mi mino pakhat nih a chim.

An tlaih mi mino hna hi May thla ni 1 zanlei ah Lweikaw thonginn ah an zohfel(စစ္ေဆး) lio a si tiah theih a si. Kan hnu April thla a hnu bik zarah zongah Pharusoe khua chungah mino pahnih hna cu ralhrangbu nih an rak tlaih bal cang hna, a tu zong ralhrangbu duhlonak langhternak ah aa tel mi Mino hruaitu hna cu an kawl hna i an tlaih pah lengmang ko hna tiah khuami nih an chim.

Crd- The Chin Post.

Relchap: BREAKING: Cawbuk Kahdohnak ah SAC Ralkap 4 an Thi tiah CDF nih ThawngFiang An Chim.

Hakha, Cawbuk sang Check Point kahdohnak ah SAC ralkap 4 an thi, tiah CDF nih Mizzima thawngzamhnak ah an fehter. CDF upa pakhat nih, “Matupi in Hakha lei rak luhnak ah SAC ralkap check point a um. Cuka ah cun ralkap 7 an um i CDF nih kan kah hna. Minung 4 fak ngaiin kan hliamh hna i pakhat cu a hmun ah a thi. A dang pawl zong an thi tiah chim khawh a si ko. Kanmah CDF lei in cun aa hliammi kan um lo,” tiah a chim.

Zaan sml. 6:45 hrawng in kahdohnak a chuak i sml. 8:00 hrawng ah kah thawng a dai. Kahdohnak a chuahnak hmun lei ah ralkap motor pathum zong an kal. Kahdohnak a chuahnak pawng hrawng i khuasa pawl hmun dang ah aa tthialmi zong an um hna.

Crd- The Chin Journal

Relchap: Nihin Ah Lamzawhtu Minung 3 Meithal Kahnak in an Nunnak a Liam.

Nihin May 2, Myanmar ram huap lamzawhnak ah khua cheukhat ah SAC ralkap le palik nih meithal in an kah hna i Shan ramkulh ah minung 2 le Kachin ramkulh ah minung pakhat atu tiang ah an nunnak liam.  Shan ramkulh, Thipaw khua lamzawhnak ah SAC ralkap le palik nih meithal in an kah hna i, Muslim tlangval pakhat a nunnak a liam. A dang minung 2 hliamhma an pu.

May be an image of 1 person, standing and outdoorsNo photo description available.

Cun, Shan ramkulh chung thotho a simi Naungcho khua zong ah meithal in an kah hna i pa pakhat a nunnak a liam, tiah Shan thawngzamhnak nih an langhter. Kachin ramkulh, Phakanh khua lei panh in lam a zawhmi Lungkhin khua lamzawhtu mibu zong an kah ve hna i minung pakhat a nunnak a liam. A dang pakhat hliamhma a pu.

May be an image of one or more people, people standing and outdoors

Mandalay, Monywa le Swebo lamzawhtu pawl zong tthenhmal an tong i sianginn sayamate telh i minung tam nawn tlaih an tong. Yangon ramtthen, Insein lamzawhtu pawl zong SAC ralkap le palik nih an tthenhmal hna i minung 7 hrawng tlaih an tong.

May be an image of 2 people, people standing, crowd and outdoors

Crd- The Chin Journal