Nihin KNU le Ralkap Kahdohnak A Um Than. Ralkap Leiin A Thimi Zat Zong Theih A Si!

Pako ramthen Kyaut Kyi peng ,Kyautsayit (ေက်ာက္စရစ္) khua tlang , Inntaikung khua ah tuzing suimilam 11 ah KNU Le rallokap kahdohnak a chuak i rallokap lei in minung pahnih an nunnak a liam tiah KNU thawngthanh nak hmun nih thawng an thanh.

Kyaut Kyi (ေက်ာက္ႀကီး) Ah KNU Le Rallokap Kah Doh Nak Ah Rallokap Lei Minung Pahnih An Thi.

Kyaut Kyi peng no 2 uktu Saw Wa Mu Zat le a minung hna nih Inntaikung khua mi hna he tonbia ruahnak tuah ding ah a kal nak kong cu rallokap. Batalian Khah-Lah-Yiah 60 kut tang a um mi ralcheukhat ( Kyautsayit sakhan ) nih an theih caah hnahnawh ding an rat lio ah KNU he hmai tonh in an i tong i tu zing suimilam 10:55am ah Inntaikung khua pawngah kahdohmak a chuak tiah thawngpang ah an langh ter.

Cu kahdohnak ruangah khuami hna lau ngai in le tih phang in an um caah cheukhat khuami hna cu an zaam, lei thuang mi hna zong nih an lei thuan ngol in an zam tiah a chim.

Cu kahdohnak ahcun Inntaikung khua mi (kum 70) U Saw Mawng Lu cu lung zawt nak in a nunnak a liam nak kong le, KNU/KNA lei i khawn nak um lo in rallokap lei in minung pahnih an nunnak a liam tiah no 2 uktu Saw Wa Mu Zat nih a langh ter.

Crd- The Chin Post.