Nizaan Zaantim ah Khuaruahhar in Yangon ah Inn a kaang.(VIDEO)!

Nizaan, Friday zaan tim/Saturday zinglei 2 in 3 kar ah, Yangon ah khuaruah har tak in inn a kaang. Hi inn a kanghnak ruang hi a hohmanh nih biafiang le ca fiang tak tak official tein an thlah rih lo. Facebook Livestream in a thlah mi ah kan theih khawh tawk cu, hi a kangh nak hmun hi Anawmar Street 18, Thaketa ah a si tiah theih a si.

Dawr si dawh a si a kaang mi inn hi. Facebook Livestream in mitampi nih a live lio ah an zoh hna. Comment nak ah Ralkap nih a tuah mi a si ko lai tiah Ralkap an puh dih hna. Nizaan tihni te ah Ralkap nih Thongtla pawl tam lak te an thlah hna ti kan theih. Mah Thongtla pawl thlah mi hna zong he hi innkangh hi ai peh tlai kho mi a si tiah mi cheu nih an ruahnak cu an chim cio. Tuzing ah khan Inn a khaang tu tiah ti mi ngakchiapate an tlaih mi a um. Zeiruang ah dah na khangh tiah an hal tikah, Phaisa an ka pek i meikhangh an ka fial tiah a chim. Zinan le meittek zong inn khanghnak ah an ka pek chih tiah a chim chap.

Facebook in Live an thlah ahhin Inn pi cu a rak kangh kaa hrawng a rak si, Minutes 15 hrawng ah biatak tein a kaang in Meiphu ngan tak pi ai ser. Comment nak ah mipi nih, “ti cu sandahpiah mi kah nak ca long ah maw an hman lai, khoika dah Ti mawtaw cu a um ne” tiah an ti len. RFA Burmese chim ning cun Meithat tu Mawtaw 1 long a rak ra i 22 minutes chung ah inn 3 a kangh manh tiah a chim. Meithat tu mawtaw cu a rak phak hnu ahcun Mei cu an thah khawh.

Video Link:- https://www.facebook.com/100015695255675/videos/981661732366993/