PPP Haotu Daw Thet Thet Khine cu MSWRRM Vuanci ah thim a si. Riantuan tu pawl an i phuak dih.

PPP Haotu Daw Thet Thet Khine cu Ministry of Social Welfare, Relief and Resettlement Myanmar i vuanci ah thim a si tiah thawngthanh a si i, cukahmun ii rianttuan tu pawl an dihlak in an rian an i phuak.

Image result for thet thet khine

2020 thimnak ah People Pioneer’s Party in aa rak zuam ve mi Daw Thet Thet Khine cu Minister of Social Welfare, Relief and Resettlement Myanmar i vuanci siding ah rian khinh a si tiah Military junta nih 4th February 2021 ah thawngthanh a si. Thawngthanh hnu ah mipi sinin soiselnak zong tampi a um i, tuni 5th of February 2021 ahcun cuka MSWRRM i rian a ttuan mi vialte cu an rian in an phuak dih nak kong cu Civil Disobedience Campaign ah i tel in an thanh.

Daw Thet Thet Khine cu 2020 thimnak ah PPP haotu dirhmun in Mayangone Township in aa rak zuam mi a si i, atu ahcun MSWRRM ah vuanci a ttuan cang lai. Daw Thet Thet Khine hi 1990 Myanmar General Election lio ah active ngai in NLD a rak ttanh tu zong a si. 2014 ahcun NLD member zong a hung si. 2020 Election tu ahcun PPP hoatu dirhmun in aa zuam mi a si.

Cupinah Daw Thet Thet Khine hi suidawr tamngai a ngei mi a si, Shwe Nandaw le Sein Nandaw hna a ngei tu zong a si. Asinain Military nih rian a khinh mi a cohlan ruangah a sipuazi tuahnak tiang in a dawnh. Tuni 5th Feb 2021 ahcun, Sui Nandaw ah sui a rak cawk mi mipi pawl nih an cawk cia mi sui cu i ken ruangmang in an khirh dih caah dawr tiang in khar nak a chuak.