President Joe Biden nih Donald Trump cu “MAGA” tiah ati mi kong ah Donald Trump nih rally angeihnak ah Biden cei lak in aphomh ko atap lo long khi asi?

September 5, 2022September 6, 2022 Pu Tawn Mang

Former US President Donald Trump nih amah thlengtu, Joe Biden cu Philadelphia rally a ngeih nak ah ‘mi ziartuk, mi huatnak ngah fwan, mipi thendarhtertu,’ tiin fak nawn in a kap let pepep ko, Make America Great Again (MAGA) rally, campaign kal peng lio ah Former President Donald Trump nih President Joe Biden atu bantuk in asik asoi nak chan cu, Biden nih Republicans hna sin ah, an hruaitupa ‘Donald Trump hnawn ngam cang u tiah, “extreme MAGA ideology.” ngei tu tiah ati ruang ah, Donald Trump nih faktuk in aleh nak cu Biden nih ti ngainak theih lo in atap deng mang khi asi ko.

Biden nih tuzar ah khan 2020 Capitol Hill Riots, FBI hna nih Mar-a-Lago mansion Florida resort an luh chuahnak kong ah “We must be honest with each other and with ourselves. Too much of what’s happening in our country today is not normal. Donald Trump and the MAGA Republicans represent extremism that threatens the very foundations of our republic,” tiin a chim mi nih cun, Trump thin akhenh bak khi asi pin ah fakpi in thinhun nak athawhter piak kha asi.

Trump nih Joe Biden hi a tihzah pah lem ti lo ngai ngai “75 million citizens, 75 to 150 a si lai, mah pawl nih athimtlin mi pawm duh lo Biden hi Democracy ral diktak asi, mah long si lo Trump nih Biden hi athil theihnak ahrut acak lo ngakchia bantuk cauh khi asi, ram atlukchiatter dih cang, mahruang ah cun, aho nih maw Joe Biden hi tha tak in duhsa tein fiang ngai in chim hna tuah u, MAGA tiimi hi holh ka sawhsawh asi lo, MAKE AMERICA GREAT AGAIN! tihnak asi ko e.

Biden nih America ropi nak ding le Make America Great Again, hi aduh lo ah cun mi tlak tlai lo, zeihmanh asi lai lo timi zong hi chim piak ngat u ati, MAGA hmang in kan cawlcangzia, holhka zei poh ah, America ropi nak caah kan tuan ko dakaw? United States of America,” ai awh tlak asi lo tinak asi cu, tiin Donald Trump nih faktuk in aden bak ko kha.

Trump nih Biden biachim cu ‘”awkward” a ti ngai, “insane” ati piak fawn, ‘late-stage dementia’ angei a si lai tiah ati piak fawn, FBI hna nih Mar-a-Lago mansion Florida an luh chuah kong ah, Trump nih Democrats hna nih Politics hmang in aphunphun in Lih bia he Trump cu thuat in, Presidential election arak um than ding ah, dir khawh lo ding in lam an kawl mi asi tiin Trump nih Joe Biden cu apuh bak ko.