Pu Biakthanga Zokhawthar A Phan Cang. (Uar A Um Kho Tuk Ee..)

Pu Biakthanga Zokhawthar aphan cang tiah tu ni ah thawng an theih.

May be an image of one or more people, people standing and outdoors

Ralkap nih nawlngeihnak an lak duhlonak le kan ram mipi tuarpi ning langhternak caah Lawipu, Aizawl in March (23) ah Mizoram le Chin ram ramri Zokhawthar khua tiang ke in akal mi Pu Biakthanga cu ni hin (march 29) chun suimilam 11:30 ah Zokhawthar dam tein a phan.

May be an image of 10 people, people standing and text that says "ZOKHAWTHAR PAEU PEACE FOR BURMA BRANCH"

Zokhawthar aphan hnuah buainak ah nunnak a liam mi hna tuarpinak caah ramri hlei ah pangpar chiahin kan ram mipi zalennak caah le Mizoram Chief Minister sinah nawlnak bia chimhin a kan tuarpi ning alangh ter.

May be an image of one or more people, people standing and outdoorsMay be an image of 1 person and standing

Crd- Chin Post.

Relchap: Mipi Nih Biatak Tein An Kah Ve Cang Hna Hih!

Kalay Phak Hlan, Sitha Khua Pawng ah Mipi le Myanmar Ralkap an i Kap.

May be an image of map

Nihin zanlei sml. 5:00 hrawng ah Hmandaw lei in a rak rami Myanmar ralkap le mipi karlak kahdohnak Sithar khua phak lai ah a chuak, tiah thawng kan theih. Gangaw lei in a rak rami ralkap motor pawl kham ding in lamthluan ah a ummi khuami hna nih thingkung an hau i, cu thingkung pawl thianhpiak ding in motor 4 hrawng in ralkap an rak ra.

Sitha le Natmyaung khua karlak ah mipi nih Lai meithal pawl in an orh ve hna i kahdohnak a chuak. Zanlei sml. 5:45 hrawng ah meithal thawng a dai. Kap hnih in hliam a pumi le a thimi an um lo le um lo theih a si lo. I kahdohnak a chuaknak pawng i Sitha khua hi Laimi tampi khua an saknak Lai khua a si.

Crd- The Chin Journal

Relchap: Buanlung Mino Pathum Hakha Ah Ralkap nih an Tlaih Hna!  Buanlung Mino Pathum Hakha ah Ralkap nih an Tlaih Hna.

May be an image of 3 people and text that says "ung hlei sang Roland"

Nizan March 28 ah thilcawk ding in leng ah an chuak i an tlau, tiah an timi hna Buanlung khuami Cung Hlei Sang (kum 17), Van Nun Bawi (kum 17) le Roland (kum 18) cu ralkap nih an rak tlaih hna i Rungtlang 266 sakhaan ah an hren hna tiah thawng kan theih.

Hakha ah a ummi chungkhar hna nih, “266 ah kan hren hna tiah atu zanlei ah khan phone a kan chawnh. Tu zanlei ah Palik sakhaan ah kan ratpi hna lai i, rak dong hna u a kan ti,” tiah The Chin Journal ah an chim. Buanlung khuami mino pathum hi nizan Hakha mei a mih lio ah kan an umnak Auto sang in thilcawk ding in leng ah an chuak i ralkap nih an rak tlaih hna hi a si.

The Chin Journal