Putin nih hin zei hmanh poi tinak ngei bak lo in civil minung cung ah kut an thlak pin ah ralpi pathumnak chuak hi poi an ti lo cang khi asi, mi dang ram doh than zong an duh fawn apoituk ko lai hih!

Putin nih hin zei hmanh poi tinak ngei bak lo in civil minung cung ah kut an thlak,

Ralpi II nak achuah lio ah khan atu bantuk in hramthawh mi asi, Russia le Ukraine bantuk thiamthiam asi, Germany nih khan Poland ram kha anrak thuat/doh hmasa kha asi, mah hnu ah buainak kha asang deuh deuh, azaual deuh deuh peng kha asi, adongh nak ah cun German kha tangrual pawl nih anrak doh hna khi asi, mah hnu ah cun khua chak lei ah Japan nih China kha anrak thuat/doh ve cawlh kha asi fawn, carel mi hna nih cun ralpi II nak chuah chan kha kan theih nan theih ceu ko kha, atu Russia le Ukraine bantuk in hram thawh mi asi, atu ah hin ralpi III nak hram thawh deng mang asi cang khi asi.

Russia le China hi an tangti hna cang kan theih ceu, USA le NATO hna nih khin Russia hi rak thuat/doh hna selaw China hi chim ger lo in Russia arak bawm cawlh ding dirhmun asi, History hi repeat peng khi asi cu, kan vawleipi hi Pathian khawkhan lairel nak nih zei tin dah akal pi lai?? Zei thil dah arak chuak te lai?? Vawlei pumpi le ram vialte hna hi Van le Vawlei sertu Pathian kut ah ahngat mi asi caah, Minung nih Pathian bia zei kan rel ti lo ah cun Pathian nih zei maw pakhatkhat khuaruah har thil cu arak langhter te laik hi asi ko cang, mah cu theihhngalh hrimhrim zong atha fawn, Kei le ka chung hna nih cun Bawipa rian long long kan tuan ko lai timi can hi acu cang ko e!!

Atu tan ram pahnih idohnak ah hriamnam sang deuh deuh hman asi cang, US nih Ukraine apek mi HIMARS an hman hnu ah Russia ralkap hna hi an cawlcang thiamtuk ti lo ralkap thi zong an tam deuh deuh pin ah, an hramnam tha bik an-ti tank Missiles 6,900 an sung bak cang khi asi, atu ah hin an-ti tank nak in atha mi tiah an ti mi, Ukraine nih US pek mi HIMARS an hman, Russia nih Ukraine dohnak ah an hriamnam tha bik an ti mi, SMERCH  MLRS an hman ngai ngai cang khi asi, Russia Odessa Ports Missile he an kap than, private buildings, coastal village an kap fawn, Odesa region’s military administration head, Serhiy Bratchuk, nih Russia Ukraine nih Grain deal an zuar khawh ding ah an sign fel diam hnu ah, zei bantuk biakamnak an sign ko hmanh ah poi tinak ngei lo in Grain hmun an kap cawlh kha asi.

Ukraine’s southern city of Mykolaiv missile nih a fuh, City council, Olexander Senkevich, nih Russia nih Black Sea Aviation lei in missile an kap tiah an thanh, Kharkiv mayor, Igor Terekhov report ning in Kharkhiv ah building lian bik chung ah 2 nak Russia missile nih a fuh ati, Operation update -armed forces of Ukraine’s Telegram nih an post ah Russiia nih Melitopol, Kherson lei in hriamnam Convoy tampi an kalter than, Budyonnovsky district Russian-backed Donetsk People’s Republic ah meikhangh achuak, Ukraine lei kah mi asi tiin, train tank cars mei akang dih hna khi asi.

UK’s Ministry of Defence nih intelligence briefing an chuah ter mi ah, Russia nih Odessa ports missile an kah ah khan Ukraine idohnak lawng ah US supplied anti-ship missiles an kap fuh tiin an chim mi cu Lih asi an ti, Russia nih Ukraine acoyah hi by force in kan thlenter lai tiah ati than cang, atu ah bia achim bantuk hin idohnak hramthawh ah khan anrak chim mi kha asi zei hmanh tlamtlinnak angei lo mi asi, atu hi avawihnihnak achim than hawi, Ukrainian mipi tampi hna nih Russia h an huat ngai mi asi, mah lio ah Ukraine acoyah akn thlenter lai ati than mi cu, aho hmanh nih an zum piak lo khi asi.

Russia nih hin Maldovo hi thuat/ doh than an tim maw sihnga? :- Russia Ukraine INVASION thla 5 nak kal cuah mah lio ah hin, ram hme deuh hna nih Russia kut tuar sual hi an tih ngai ngai hna khi asi, Maldovo zong nih Ukraine an doh dih ah hin Russia nih an thuat/doh ve ko lai timi hi zumnak lianpi an ngei tiah arak chim ve bak khi asi, Russian military invasion an tih ngai tiah, Prime Minister of Moldova Natalia Gavrilița nih thuhpheh ngei bak lo in achim chuak khi asi.

South Western Ukraine lei Russia thuat hna, Odesa port anrak nai ngai cang, Maldovo caah cun hnangam tein um khawh asi tilo, Ram pakhat nih ram dang ralkap thazang hmang in hramhram in an thuat/doh hnu ah an lak tawn tiin achim chih fawn, international law zong Upat lo mi Russia cawlcang ning hi kan nih caah cun hnangam ding a um ti lo ati, Russia ralkap nih Transnistria tiang kan ram lei ah an um hna cang tiah ati.

xxxxxx