Zualko (R.I.P): Ralkap kut in Pu Khua Kung nih mual a kan liam tak.

A poi kho tak tak si ,Tuni Kalay ah Ralkap duhlonak langhternak (sandahpiahnak) ah Pu Khua Kung cu ralkap nih an cycle in an áš­eih caah a nunnak a liam ti thawng pang kan theih. Thaizing ah a ruak vui a si te lai.

May be an image of 1 person and standing
” Taantakmi chungkhar Bawipa nih hnem ko hna seh. Kan in ngaihchiatpi ve hna. Ram dawtnak lungput ruangah nan nunnak tiang a pemi hna upatnak sang bik kan in pek hna”, tiah kan Lai catial thiam Nusung Htg- Nunu nih a facebook ah a ngaih chiat nak le chungkhar hngemhnak ca a tial.

Note: Chungkhar sin in theihmi a si./-Nusung Htg-Nunu

Update/A thar in theihter than nak : Hramthok thawngpang theihnak ah palik nih an teih caah a thi an ti nain a hnu ah thawng thar theih than a si.

Ralkap nih an pah tiin bia a leng i thil si ning fiang deuh in na kan chim kho hnga maw? tiah an Church Pastor kan hal tik ah, “Amah he aa pah mi hi Tedim mi a si. Ralkap nih an pah mi cu a si lo. Kanmah Chinmi veve an si ca ah remnak kan tuahcolh ko. A dihlak cun kan thei dih ve lo. Sii-inn a phak hnu lawng ah kan theih ve,” tiah The Hakha Times ah a chim.
Pu Khua Khung cu Thantlang Peng Vanzang khuami kum 37 a si. An i pahnak hmun hi Kalaymyo Kyutonepin, hmunlai sang ah a si tiah kan theih.

Relchap: Hakha Mino Hruaitu Hna Tlaih Ding in Ca an Chuah!!A Poi Tak Tak Si!!

Biatak tein sandahpiahnak ngaih hnu in hruaitu tiah ruah mi pawl cu biatak tein palek nih an tlaih cuahmah cang hna cu lak ahcun kan lai pasal tha Hakha mino hruaitu Salai Ngun San Aung le Salai Elishama zong tlaih ding in palek nih warrant an chuah cang tiin theih a si.

May be an image of 2 people and people standing

Salai Ngun San Aung hi Cozah thar an ser mi State Administration council chungtel i thim thar mi Pu Ngun San Aung kha cu a si lo. An min an i lawh caah hin mipi an lungfiang lo sual lai tiah kan rak langhter mi a si. Thlacamnak in kan umnak cio in bawn cio hna uh sih.

Hakha Mino Hruaitu Salai Ngun San Aung le Salai Elishama Tlaih Ding in Ca Chuah

Hakha mino hruaitu upa le ralkap uknak duhlo lamzawhnak ah an hruaitu bik a simi hna Salai Ngun San Aung le Salai Elishama cu tlaih ding in nawlngeitu lei nih ca (Warrant) an chuah caah an zaam chung tiah thawng kan theih.
Salai Ngun San Aung nih, “Na ap lai maw an ka ti. Ap hlah, pasal ka ti i ka zaam,” tiah The Chin Journal ah a chim.
Salai Elishama zong nih, “Tlaih kan ttih ruang ah a si lo. A tuan deuh kan ti caah chikhat kan i thup ta lai,” tiah a chim.

Ref: The Chin Journal