Ralhrang le Ralhrang Lungrualter Lo tu Zuu Bak A Si Ko Hih!

Mittthila Ah Tongmangno le Bawiham Bia I Al Ruangah Meithal In An I Kap.

Mandalay ramthen,Mitthila ah zahan April 25 suimilam 9 hrawngah rallokap Tongmangno le Bawiham pahnih cu zu an ri i bia an i al i an i kap tiah khuami sinin theih a si.

Mah rallokap pahnih i Mitthila ral 315 Tongmangno Wo Kaan Thei le Mitthila ral 99 in Bawiham Kawng Myiat Twin an si i Mitthila dawr pawng No.2 palek umhmun hmai ah bia i alnak a chuak i Tongmangno nih pistol in a kah tiah theih a si.

Hi i kahnak ahhin Bawiham Kawng Myiat Twin cu hliam a tuar i a zan ah Mitthila siiin ah an kuat i meithal kaptu Tongmangno cu an tlai i an khumh tiah theih a si.

“Bawiham Kawng Myit Twin cu mi chia kha ngai ngai a si,a hlan zongah siibawi pakhat a paw ah a rak kap tu zong a i, cu hlei ah Mitthila thimnak zung chiarman a tlai tu zong a mah a si” tiah Mitthila khuami pakhat nih a chim.

Myanmar Now

Crd- The Chin Post.

Relchap: A Poi Kho Tak Si.. Mipi Zohkhenhnak Sizungpi A Kaang!

Iraq ram khuapi Baghbad ah Covid-19 zawtnak in a zawmi hna an thlopnak siizung pakhat ah Oxigen bawm pakhat cu a puak i fak ngai in mei a kangh caah a tlawm bik minung 82 an thi i minung 11 hliam an tuar tiah Iraq ramchung vuanci nih tuni ah thanhnak a tuah.

Hmailei ah hi bantukin thil kan ton lo nak ding le mizaw hna an himnak dingah tha tein khuakhannak ngeih a herh tiah Iraq ramchung vianci zungin chimnak nawlngeitu Khalib al-Muhanna nih cozah TV thawngthanhnak ah a chim.

A kangmi siizung hi Diyala Bridge ah a ummi Ibn Khatib siizung a si, niruk ni ah khan a kaangmi a si.

Mei a kangh lioah mizaw hna an chungkhar hna nih an mizaw pawl cu chanh an i zuam len nain an chanh khawh lomi a tampi. Cheukhat cu luat duh ruangah thlalangawng in an zuang tiah cu siizung i mizaw zohkhehntu pakhat nih a chim.

Iraq PM Mustafa al-Kadhimi nih cun hi meikanghnak kong hi tha tein hlathlai a fial a hna. Meikanghnak hi daithlan ruangah a si caah tuanvo ngeitu an dihlak tha tein cheknak le hlathlainak tuah in tlaih dingah Iraq PM nih nawl a chuah cang tiah theih a si.

#VOA

Crd- The Chin Post.