Ralpi pathumnak hramthawh asi cang lai hriamnam dang angeituk ti lo tih anung mi phun long angeih cang, US, UK, Sweden, Finland tiang ahrocer chih cang,

Russia Media nih thil arak phuang mi cu, Russia nih Ukraine long siti lo in US, UK, Sweden & Finland hna tiang nichiar deuh in Russia nih an hrocer peng ko cang, Ukraine an thuat nak thla 2 leng asi cang an tei kho bak lo, Ram dang hna nih hriamnam he Ukraine an bawm mi cu, Putin thin ahung chinchin khi asi ko cang, Russian state media ah Vladimir Solovyov, Putin’s propagandist, nih UK lak ah Nuclear Weapons hman ah an hrocer cang hna, Putin nih Boris hi an huat ngainak chan cu Ukraine an tan tuk ruang ah asi ko, hriamnam thatha zong an bawmtik ah, vawi tampi warning apek ko hmanh ah Boris nih zei an rel piak ve lo khi asi, Putin Missile zong an ngeituk ti lo, missile pakhat man hi $ 170,000 le $180,000 man asi atu ah missile tha 1100 putin nih ahman cang khi asi.

Putin nih Ukraine invasion a ngeih hnu ah hin UK nih Ukraine a bawm ngai ngai ko kha kanrak theih bang in, nichiar intelligence update an ngeih piak fawn, real time intelligence pin ah SAS saboteurs hna Ukraine ah luhter asi fawn, Vladimir Solovyov nih cun UK hrocer nak ah “Samrat 2 missile 2021 ah kan service ter pakhat kan hman zong ah UK cu minus/meivap asi ko tiah ati, Samrat 2 West pawl nih ‘Satan 2’ tiah an auh mi hi Nuclear Warhead 15 a ken khawh mi asi tiin, Russia nih an chim, Dmitry Rogozin, head of the Roscosmos space nih Samrat 2 hi 46 hrawng, cu an tuah lio tiah ati, Krasnoyarsk, Siberia, ah chiah asi tiah an chim fawn.

Russia foreign minister Sergei Lavrov nih NATO ram pawl lak ah Proxy war a phuang cang, atu ah West & East boruak cang lio hi Cold War arak chauhnak, Cuban missile crisis nak hmanh in boruak a rit/sang deuh ati, Maria Zakharova, spokesman for the foreign ministry, zong nih NATO & UK hna nih Ukraine hriamnam an supply peng ruang ah a hrocer mi asi ati fawn, “Do we understand correctly that for the sake of disrupting the logistics of military supplies, Russia can strike military targets on the territory of those NATO countries that supply arms to the Kyiv regime. After all, this directly leads to deaths and bloodshed on Ukrainian territory. As far as I understand, Britain is one of those countries”.

Ralpi 3 nak hi achuak lai lo tiin aho hmanh nih an chim khawh ti lo, Russia nih hin athin ahuntuk ah cun Nuclear warhead hi ahman taktak ah cun, US nih azoh sawhsawh lai lo timi cu fiang tein theih asi ko, Putin nih hin Ukraine hmanh an tei khwah ti lo tik ah ningzah mualpho bantuk dir hmun asi, mah lio ah UK PM Boris zong nih Ukraine an tanh tuk nak ah hriamnam thatha an pek pek fawn tik ah atu ah hin UK cu Nuclear hman ah an hrocer khi asi, UK zong nih an duh memmam lo aleh ve bak hna tik ah zei thil dah arak chuak te lai zoh phawt ne ko u.