Ram pahnih faktuk in idohnak akalpi mi cu a hram thawh nak chauh asi, ram dang hna he idoh ding zong ah aduh ko cang,
West pawl le EU ram hna challenge nak asi fwan cang, thlanglei ram hna nih idohnak field ah cun tei tim ding ah ithuat ding in challenge nak asi tiah achim fawn cang, mah bia achim hnu ah remdaihnak ding ah ibiakchawnh khawh ding ah open peng asi tiin achim fwan mah bia hi aho nih dah azum hnga? Putin bia chim hi kanrak theih ceu cang ka tuah lai lo atimi mi hi atuah tawn, Lih bia hi vawitampi achim cang mahruang ah atu idohnak hi arak chuak mi asi, Parliament hruaitu hna hmaai ah bia chim mi asi, Putin nih idohnak a sau poh ah cun remdaihnak ngeih a harsat ding kong achim fawn, “Idohnak field ah tei akan tim tiah thawng pang ka theih, zei dah ka chim khawh lai, Idohnak field ah rak tim lawlaw ko ne u, ati.
Putin nih achim chihnak ah Ukraine mi dam/nung an um chung cu thlanglei ram hna nih hin akan thuat peng an duh, timi thawng pang vawi tampi kan theih, Ukraine mipi caah cun a poi ngai, buainak tam lei phun in alang tiin, Putin nih achim, Russia nih hin an economy hrem asi, Ukraine caah hriamnam tha bikbik an kuat lut piak kong ah, thlanglei ram hna cu ramdang phen ah idohnak tamtertu ah puh asi fawn, Putin nih idoh nak hramthawh nak asi tiah achim ko hmanh ah, ibiaknak ngeih cu hnawn lo tiin achim, nain mah hna vialte duh lo tu hna nih an hnawn asi ah cun, Russia le Ukraine aiawh hna hi vawi zei maw zat ibiakchawnhnak ngeih asi ko nain remdaihnak tuah khawh asi lo, February 24-ah Ukraine an thuat hnu ah, Russia ralkap hna nih, ram tampi an lak cang, Luhansk region chak lei cu an lak than cang ati, nain Analyst-hna zumnak bantuk in ram hi an lak kho lo, Ukraine khuapi Kyiv le khuapi lian bik dawttu Kharkiv lak timnak cu tlam atling lo khi asi.
President Joe Biden nih nihin ah khan Europe lei ah America ralkap, fighters, air defences le ral dohnak Lawng hna kuat chih ding ah phuang asi fawn cang, mah pin ah hin US military base hmun fek hmasa bik ding Poland ah chiah asi cang, US Fifth Army Corps hna nih mah hmun hi umnak ah hman asi cang lai, American troops 3,000 extra hna cu Romania & Baltic states of Estonia, Latvia, Lithuania hna rotation nih an zohkhen hna lai, F-35 fighters squadron 2 UK ah chiahchih asi lai, air defence systems Germany & Italy pek chih ding cu, Destroyers 2 Rota Naval Station, Spain, ah chiahchih asi fawn lai, NATO nih officially in Finland le Sweden hna cu, an alliance joint ding ah pawm piak cang fawn khi asi.
Chief Jens Stoltenberg nih NATO’s high-alert force -troops hna -40,000 to 300,000 hrawng hi ral doh khawh cawlh ding ah ready ter an sicang tiah ati fawn, Germany ah US nih brigade headquarters, short-range air defence battalion, combat sustainment support battalion headquarters, & engineer brigade headquarters hna chiahchih in, ralkap hna zong 625 hna cu an thial cawlh lai ahmun ah um ding in, mah thawng pang pin ah US Permanent base Poland ah athar Open/onh chih asi, Jakub Kumoch, foreign policy adviser to Polish president Andrzej Duda cu, a lawmter ngai ngai khi asi, Deputy Foreign Minister Marcin Przydacz, Poland nih cun Russia lei thuatnak ding ah mah hmun hi signal tha bik asi tiah ati.
Tangrual ralkap US Forces Europe ram hmun dang dang ah chiah dih cang mi hna cu :-
Germany: 36,160 troops,
Italy: 12,661,
United Kingdom: 9,766,
Spain: 3,108,
Norway: 2,593
Turkey: 1,709,
Belgium: 1,137,
Netherlands: 436,
Greece: 376,
Portugal: 243,
Poland: 172
Romania: 137,
Mah hna vialte hi US nih an chiah mi ralkap long asi rih ko, Asia ram chung ah Russia cawlcangnak duh lo ram tampi an um ve fwan khi asi rih, Japan, South Korea, Singapore, Malaysia hna pin ah India neutral deuh in a um, Middle East zong ah tampi an um fawn rih, European ah hin ram zei maw zat Russia cawlcang ning duh lo hi an um fawn, Atu ah Russia a hrocer nak le an cawl cang ning hi an over deuh bak cang tiah an pawm hna fawn, Human Right lei zong nih Russia hi an soisel ngai cang fawn, Poland le Ukraine ah hin border hi sau ngai an ngei atu ah cun, NATO aremh lo ngai mi Russia ca zong ah cawlcang afawi ve deuh lai, an boruak a sang deuh deuh ko cang caah hin, thawng pang ngai nuam deuh deuh asi fawn cang lai, Ralpi III nak rim anam deuh deuh cang, zoh phawt ko u sih, up date karak tial peng ko lai!
Note : Atu lio thil cang mi hmanthlak hna hi FB nih an duh tuk lo caah front page ah picture dang kan tar tawn mi asi, achung bia ah cun picture taktak asi mi kan tar peng ko careltu hna theihthiam ding ah!!