Ram pahnih hna idoh kahnak adih rih lo lio ah idohnak dang achuak than ko lai afiang ko cang,
Vladimir Putin nih Russia nih Sweden le Finland hna lak ah zeihmanh buainak angei lo, Sihmanhselaw NATO Alliance an joint ruang ah ‘expansion of military infrastructure’ hriamnam le ralkap hna West pawl nih an ram naite ah an chiah asi ah cun, kan lehrul lai lo tiah ruah hlah se, kan thuat/doh hrimhrim ko lai tiin fak nawn in warning le theihternak achuah cawlh khi asi, Russian-led Collective Security Treaty Organization (CSTO) Moscow ah Belarus, Armenia, Kazakhstan, Kyrgyzstan & Tajikistan hna he meeting an ngeih nak ah atu bantuk in bia tak tein Putin nih bia arak chim cang mi asi, asullam cu Sweden le Finland nih NATO joint cang ding ah biachahnak an ngeih cang tiah an theih ka tein warning or hrocer cawlh kha asi.
United States nih NATO hi ram kau nak ding ah an hmang peng mi asi, San tlai in an hmang fawn, global security kong an ruah bal ve lo, Finland le Sweden hna zong nih NATO Alliance an joint bak ah cun, ralkap le hriamnam chiahnak ding ah an hman lai timi hi afiang ko cang, mah an thil tuah tim mi nih cun challenge tu le buainak chuahter than tu asi hawi lai pin ah, mah buainak achuah taktak cang ah cun a rapthlak tuk ko cang lai tiin Russia nih ati, zei dah lehrulnak kan pek lai? Zei tin dah hma kan lak lai? Timi vialte hna cu chim cia her lo in adawtdawt tein ara cuahmah ko lai, Sweden le Finland cu buainak nan tuah mi asi ko tiin thuh pheh ngei bak lo in, Russian-led Collective Security Treaty Organization (CSTO) Moscow ah Belarus, Armenia, Kazakhstan, Kyrgyzstan & Tajikistan meeting ngeih nak ah fiangte in achim ko cang khi asi.
Britain & European Union hna nih an tipi lam Lawng idinnak hmun ah, Russian-flagged vessels hna Ukraine invasion, the Kremlin nih “special military operation” an tuah ruang ah United Kingdom nih 2022 kum dongh lei ah Russia oil an lak luh nak an tawpter/stop piak cang lai, Reuters reports ah European Union & United States hna nih, Russia Ukraine invasion ruang ah vawlei ei/din harsatnak ngei lo ding ah venhimnak tuah in rian an tuan cuahmah vel io asi, Russia disinformation thuat peng ko lai, Ukraine nih grain an kuat chuah kho lo pin ah, India nih wheat zuar chuah an sianh lo ruang ah, global food production nih atuartuk lo nak ding ah hma an lak peng hna lai tiah report ah langhter asi.
Ukrainian foreign minister Dmytro Kuleba nih Russia he Ceasefire idoh/kah lo a um khawh lai lo ati, European Union hna nih Ukraine membership June hlan ah an pawm piak lo ah cun, EU hna mawhphurhnak asi lai ati, Ukraine nih Russia duh ning in um an duh bak lo, China nih Finland an sik fawn, Ukraine nih French President Emmanuel Macron bia chim aduh tuk lem lo aruang cu, Ukrainian President Volodymyr Zelenskiy, sin ah Ceasefire idoh/kah lo nak a um khawhnak ding ah cun, Kremlin Demand pawm ding ah ati piak caah asi, Ukrainian foreign minister Dmytro Kuleba nih Ukraine nih an tim mi cu Russia nih Ukraine ram an lak, eastern Donbas region Russian-backed forces nih Crimean Peninsula 2014 ah an lak cang mi zong, Ukraine nih lak than an duh caah, Russia demand bantuk in kal an tim lo ati.
Cre: Moses pa