Ram pahnih idohnak thawng pang thar ah nizan zalensky lei cawlcangnak ah Bawipa nih a dirpi rua? Ral sawmruk panga an thah vanlawng an kap tla fawn,

Ram pahnih idohnak thawng pang thar ah,

(a) Nizan ah khan Ukraine ralkap hna nih cun Russia nih an lak mi, Raiske khua pawng ah Russia hriamnam chiahnak (ammunition warehouse) le Beryslav pawng ah um mi, ammunition warehouse an bomb chiat dih khi asi, an bomb nak ah Russia ralkap 65 an thi fawn, mah pin ah hin Russia’s Msta-S howitzer, Result -2US multipurpose mobile communication pakhat le armoured and motor and motor vehicles zei maw zat an bomb chiat piak fawn tian thawngthanh ah an langhter mi asi.

(b) European Union nih cun euro 500 million cu, Ukraine bawmnak thar pek ding ah, hruaitu hna nih an chiah piak than cang tiah, IANS report ah thanhnak an tuah cang fawn, Ukraine ram hi ram tampi nih zangfahnak langhter in atu lio ah hin bawmnak hriamnam in siseh, Dollar in siseh, Medical lei thilri tampi hna cu, Ukraine ram chung ah an luhter peng ko cang tiah thawngthanhnak ah an langhter khi asi.

(c) Ukraine nih Russia Jets Su-35 kap tla, nizan thiamthiam idohnak ah khan, Ukraine Air Force-hna nih cun Russia ral dohnak Jet Su-35 pakhat cu Nova Kakhovka pawng ah an ithuatnak ah khan an kap tla hnu ah faktuk in mei alh arak chuak khi asi, Jet vanlawng mei-alh kar lak in Jet Pilot cu, parachute in a zuang thla khi asi, mah lio thiamthiam ah Ukraine Air Force-hna nih cun Russia drone 5 an kaptla fawn, Ukraine ralkap hna hi US nih a pek mi HIMARS 8 cu, san tlai ngai ngai in an hman khawh khi asi, Russia ralkap hna nih HIMARS hi hnahnawk ngai an timi kha asi ko kha mu.

(d) Ni 24.2.2022 in Russia nih Ukraine an doh nak ah, Russia ralkap nunnak aliam cang mi zat cu, 38,550 hna hi Ukraine ralkap kut tuar in arak thi mi asi cang, Ukraine hi hriamnam lei ah siseh, ralkap thazang lei ah siseh, Russia lak ah cun hmete le tlawmte khi asi, Russia nih cun an doh/thuat hramthawh lio ah khan, Ni 2-3 or zarkhat chung ah kan lak dih ko lai tiah Putin nih media hna sin ah arak chim mi kha kanrak theih ceu ko kha mu! Atu ah cun Ukraine kut tuar in hriamnam an sung mi le ralkap an sung mi hi turutuk khi asi, an ralkap lei General e Colonel Officers hna hi 50 leng bak nunnak aliam khi asi, Judah miphun Zalensky Bawipa nih dirpi peng ko hna seh.

Ukraine nih Russia Black Sea port ah um mi Russia hna hrocer in warning a pek bak,

Deputy Defense Minister Volodymyr Gavrylov nih Black Sea lei ah Russia um mi hna cu, hrocer ve bak in, Armed Forces of Ukraine nih Black Sea Fleet ah Russian Federation le Crimea kan in ready can ah, kan thuat lai, “Russian Black Sea Fleet hi kan caah lam tampi akan dawnkhantu asi, Technologies le thil dang ah harsatnak kan ton tawn, Snake Island in operation kan thawk lai, Anti-Ship weapons kan ngei, arauh hlan ah Black Sea Fleet hi kan target lai, Russia nih Crimea ah goals an ngeih mi hi tlam atling bal lo, achan cu international nih an pawmpi lo ruang ah asi.