Russia nih tu naite ah khan “Tactic” a thlen bak cang fakpi in ral dohnak achuak cang lai, vawlei nih an soisel ngai hna zong ah umzia angei ti lo,

Russia President Vladimir Putin nih, Feb. 24-ah Ukraine an thuat/doh hnu ah avawi khatnak ding ah ram pum huap in, TV ah bia a chim mi cu West ram hna nih Russia chiatter dih duhtu an si tiah puh in, Russian reserve ralka tingthum hna cu ral doh ding in atu ah hin zei poh timtuah nak ngeih cang ding ah auh dih an sicang, President Putin- nawl pek (decree) bantuk in Russian Defense Ministry nih Ukraine ah ral doh ding in, ralkap tampi hna le hriamnam atam khawh nak chung in kalter/luhter than lio asi.

Putin-bia chim can hi nizan suimilam 6:00 pm hnu in vawlei pi nih an ngaithup hna khi asi, “Military Special Operation” tiin Ukraine thuat/doh mi an ralkap hna an kirter lai maw tiah mi tampi nih an ruah lio ah, asi memmam lo ralkap ral doh mi le hriamnam tlamtling he timtuah cia ding le (partial mobilization) lio bak asi, Russia in 1000km ah raldoh ding ah a auh mi khi asi ko cang.

A hmasa ah cun “Special Military Operation” tiah min bunh in, ralkap taktak hna cu ral doh bantuk in phuan asi lo kha asi, (war) idoh bantuk in aphuang lo ruang ah, an ram Upadipi bantuk in ral doh mi taktak hna cu, Ukraine thuat/doh ding ah kalter khawh lo kha asi, amin zong ah “Special Military Operation” tiah an ti mi kha asi, Atu ah cun an ram Upadi ning in ral doh taktak ding in timtuah ter mi asi cang, NATO hna zong an ready ve kho men nain fiang in theih asirih lo khi asi.

Atu bantuk in Vladimir Putin nih ralkap reserve army 300,000 leng Ukraine dohnak ah tel ding in, an auh dih hna cang ruang ah khan, mi tampi nih minute tlawmte hnu ah, Moscow to Istanbul flight le Moscow to Yerevan, Moscow to Armenia flight hna le Russia khuapi lian hna in, international flight reng reng ticket an book dih cawlh khi asi ko cang, atu ah flight ticket an zuar dih cawlh ruang ah, Russian Railway website zong a rush tuk fawn ruang ah hman khawh lo in a um cawlh.

Donbas region ah um Luhansk & Donetsk People’s Republic, Kharkiv le Zaporizhzhia nih referendum an lak ding hi West ram hna le NATO- EU ram hna nih fak nawn in an soisel dih ko, New York khuapi ah UN Gen Assembly vawi 77 nak ngeih lio ah tel, US President Biden, German Chancellor Olaf Scholz, French President Emmanuel Macron, British PM Liz Truss le midang ram hruaitu hna nih an soisel dih in, vawlei ram dang hna zong nih Russia-nih Ukraine ram upat tihzahnak ngei lo in, an thuat/doh cu an soisel dih hna.

Moscow nih hin ni 3 chung te ah Ukraine khuapi Kiev lak ding le Ukraine acoyah President Volodomyr Zelenskiy hruai cu “Nazi biakam kengtu” tiin paih/hlonh (de-Nazify) kan tim an ti, Sihmanselaw Ukraine mipi tampi hna nih cun, “Special Military Operation” tuah ding ah Russian ralkap 300,000 leng hna cu, tha tein anrak welcome bak lo cu, West ram hna hriamnam le tangka hna in Ukraine cu an bawm hna ngai ngai kha asi, tu thla chung hmanh ah hin zei maw zat hriamnam le tangka an bawm hna khi asi.

An ram le Ukraine ram hrawnghrang ah thih an duh lo ruang ah mipi nih mah hmun hma hna chuah tak zawkzawk an duh cang atu te zong ah khan an buai ngai ngai ko cang, Russia acoyah zong nih Russian Airlines  sin ah mipa kum 18 – 65 karlak hna cun, vanlawng ticket cawkter ti lo ding in nawl apek bak fawn cang khi asi, mipi an lung rethei taktak ko cang, Russia tank ngeih tha bikbik pawl zong timtuahter dih asi pin ah atu ah hin kalter cuah mah cang lio khi asi cang rua? Thai zing hna ah zei thawng pang dah kan theih te lai? Update tuah than peng karak zuam lai.