Russia ram chung In pawng te ah zei dah anva tuah hnga American B-52 Bombers 4 hna cu?
Russia ram chung In pawng te ah zei dah anva tuah hnga American B-52 Bombers 4 hna cu?
America le Russia, China etc buainak kal peng ah hin, subject dang chim ding a um lem lo, America nih Europe le Russia In pawngte ah, nuclear-capable B-52 Bombers 4 hna an kalter khi asi, Çhina nih Taiwan a hrocer peng fawn pin ah Japan ramri ah missile an kah mi cu Japan nih zoh sawh sawh an duh ve thlei ti lo, US he thil zei maw ruahman nak an tuah mi asi lai tiah mithiam hna nih an zumh, Russia nih Ukraine doh peng an duh rih fawn, kan vawlei hi adonghnak anai deuh deuh cang maw singa??
Pentagon nih nuclear-capable B-52 Bombers 4 Russia In pawngte ah akalter nak chan hi, ‘Bomb thlak ning an cawn/practise tiah an ti, Russia media reports ning in Russia lei in Arctic region, 400 kilometers hrawng ah an cawlcang tiah an langhter khi asi, American B-52 strategic bombers hna nih hin, Minot Air Force Base North Dakota -Fairford Air Force base, UK tiang an kal khi asi, Swedish JAS Gripen & Norwegian F-35 fighter aircraft west of Andøya, North Norway, f 2 hna he Bomber Task Force drills an ngei khi asi fawn, America nih an tuanpi mi ram hna venhim hi aria nasi tiah Joe Biden nih arak chim mi kha asi.
B-52H Stratofortress is a long-range, heavy bomber nih hin mission dang dang hna ah rian an tuan khawh cawlh khi asi, subsonic speeds in 50,000 feet (15,166.6 meters) tiang a zuang khawh, – nuclear precision-guided conventional ordnance, etc a ken khawh dih fawn khi asi, B-52H kong hi kan hnu lei ah adang tein a kong hi kanrak langhter cang kha asi, van cung sang ah duh tawk in azuang khawh pin ah, km sau ngai akal khawh, oil a ken mi nih hin kan theih thiam nak ding ah Iraq an doh lio ah khan US in anva kal vang vang hnu ah bomb an thlak hnu zong ah idin bak lo in US ah a kir than vang vang khawh khi asi.
America B-52H hi vawikhat zuan ah hin $1.5 million adih tawn mi asi, ram dang hna ngeih phak ding khi asi lem lo, ral dohnak sawh swah ah hin B-52H hi an hman bal lo mi asi, aherhnak taktak asi cang hnu ah hin, mah B-52H hman tawn asi, an zoh khennak Expenditure hi arak sang bak ko, arak tha fawn, sangpi le sau ngai ah mission riantuannak ca ding ah tha bik le san tlai bik van lawng asi, atutan Russia ah ava kal cu Russia zong thin phan deuh nak angei manh, atu tiang Russia nih zeihmanh lehnak angei rih lo.
Rel chap ding:-
B-52 hi zeitluk in dah athatnak asi timi le akong lam tawi tiin kanrak langhter ta lai? adang vialte hna nih an tluk lo nak,
B-52 nih hin Wingspan athla hi arak sau bak ko, Wingspan hi 185 feet sau asi lio ah, a tak pum belte cu 159’4 Feet sau asi, a cung lei in zoh ah cun Wingspan le atak pum hi atluk bantuk in hmuh khawh asi, B-52 bomber hi khawika ram chung hmanh ah idohnak um selaw, America ram in direct in an va kal lai i, bomb an thlak cawlh khawh khi asi, Iraq an doh lio zong ah khan US in direct in van cung sang ah kal in bomb an va thlak piak kha asi.B-52 nih hin 219,600kg rit bomb le thil dang a phur khawh, fuel/oil hi vawikhat ah 181,610 Ltrs thun khawh asi, fuel vawikhat thun mi hi 14,080km (8,800 miles) tiang azuang khawh, mah caah cun vawlei cung ram khawika hmun hmanh ah direct in akal khawh peng nak zong asi, Mah B-52 hi Jet fighter dang hna nak in athatnak cu asi ko.
Kum 1952, 15 April ah khan a vawikhat nak ah an zuangter kha asi, Tukum hi kum 69 le thla 4 le ni 1 upa nak asi cang, Vawlei cung ah Vanlawng service lio ah cun Upa bik arak si cang, Engine 8 hmang mi asi, 50,000 feet sang ah akal khawh, Suimilam pakhat ah 1,050 Km thawng in azuang khawh, Asi nain Suimilam pakhat ah punghman tein 819km thawng in azuang tawn khi asi, B-52 bomber hi America nih raldohnak poh ah ahmang sawh sawh lo, ram pakhatkhat chung buainak le idohnak rak um sehlaw Jet fighter hna le adang hna hi an hman hmasa tawn, amah belte cu, an doh mi lei ah ral an thawng deuh, asi lo ah an ralkap hna asung ding dir hmun hna ah a um cang asi ah cun, bawm ding in direct bak in an ram in khawika hmun ram asi zong ah an va bawm khawh khi asi, B-52 an hman cang ah cun an doh mi ral hi asung tawn tiah an ti.