Sandahpiahnak Ah A Chuak Mi Hakha Zung Riantuantu Hna Zungpi Ah An Auh Hna!

Hakha Htwe Oh (Uknak lei Zung) riantuantu pawl February 10 ah Ralkap uknak duh lo lam zawhtu hna cu tuzanlei ah Chin Ramkulh Cozah Zungpi ah an auh hna i zaan 6:45 tiang ah khan an rak thlah rih hna lo caah mi pi an thin a rak phang ngai ngai.

May be an image of one or more people, people standing and road

Hakha Htwe Oh (Uknak lei Zung) riantuantu hna cu tuni Feb 10 ah khan Ralkap uknak duh lo nak lam an zawh ve ti kan theih. An rian cu i dinh chung in Mipi sinah Ralkap uknak duh lo nak cu Hakha ah khan an rak langhter ve.

May be an image of one or more people, people standing and road

Zaanlei sang ah khan an bawi pawl nih zung ah an auh dih hna i an kal pi dih hna. Mipi nih an sia an herh hna ruang ah Innleng in an hngah hna i an dir pi hna. 6;45 pm tiang ah khan an rak thlah hna lo i mipi cu thinphang ngai in an rak um.


Mipi cheukhat nih cun Innleng in an hngah peng hna i 7:00 pm hrawng ah khan Zung pi chung cun an rak thlah hna i an rak chuak dih hna. A tu hi an mah Inn pakhat ah bia ruah nak an ngei than hna lai i thawng an rak kan thanh zau te lai tiah theih a si.

Ref: The Hakha Times