South Korea zong anrak men ti lo hi ta, Iron Dome ngeih ve ding in an buaipi ve ko cang, North Korea Missile lak ah iven ding ah tiah,

South Korea Defence hna nih cun North Korea Missile lak ah iven nak ding ah tiah Israel’s Iron Dome bantuk cu an buaipi cuahmah lio asi, mah system thar ngeih ding ah hin abuaipi research & development caah, $2.5 billion an chiah ko cang, North Korea nih Demarcation Line ah 1,000 artillery an chiah, mah caah cun atu ah ram venhimnak ca ding ah South Korea nih Iron Dome cu ngeih ding in budget tampi anrak chiahnak khi asi.


Yonhap news report ning in South Korean military officials hna nih cun, South Korea version Iron Dome caah hin, North Korea nih multiple 240-millimeter rocket launchers, Seoul le a pawngkam an kah khawhnak cu anti-Missile, Iro Dome anrak herhnak asi, Col. Suh Yong-won, spokesperson Defense Acquisition Programme Administration DAPA nih “Israel Iron Dome nih Hamas le group dang hna nih Rocket arak kah tawn mi kap lettu bantuk kha asi lai tiah ati.

Asi nain kanmah tuah ding mi hi cu, tih anung mi Rocket rak kap piaktu ding ah asi lai, North Korea hi atu bantuk in hriamnam lei ah arak thangcho cang caah, South Korea’s military’s defence development zong nih hma kan lak hi aherh ve ko cang khi asi, South Korea hi hriamnam ngei tha China, Russia, Japan hna nih an ram hi an kulh dih caah US, Israel le ram dang hriamnam tuah mi ah ihngat lo ding in, kanmah ram tuah mi hriamnam hi kan ram caah bia tak tein kan zuam aherh tiah news report ah an langhter khi asi.


Korea’s defence ministry nih an version Iron Dome an tuah ding mi ah hin, Israel version nak in tangka adih tam lai tiah ati, long-range artillery kahnak caah hman asi lai, Israel thlaler/thetse ram asi lio ah, South Korea tlangpar rem lonak ah um asi ruang ah, Iron Dome zong ahmannak ding hisap in, akahnak ahlat deuh le anai deuh mi, kah fuh le fuh lo tiang tuaktan cikcek hnu ah tuah asi te lai tiah thei asi.