Suu Kyi Vengtu Cherry Htet Thawng Fiang Theih a si cang! (Hna a ngam cang).

Daw Aung San Kyi vengtu Cherry Htet kong cu fiang tein theih a si cang. Ni 5 chung a kong lam zeihmanh theih ti lo hnu, a thi maw a nung ti hmanh kan theih ti lo hnu ah Bia fiang NLD lei nih an rak chim cang. 

Suu Kyi vengtu Cherry Htet cu February 1 lio Kawl Ralkap nih hram hram in uknak aa laak le NLD hruaitu pawl a tlaih hna lio ah khan Suu Kyi cu raltha tak tak in a rak dirh kamh ngam i biahrang zong in Cozah ralkap cu a rak ti hna i an Meithal tiang hna chuahnak dirhmun hmanh an rak phan ti theih a si.

Image result for cherry htet

Suu Kyi le hruaitu dang hna zong cu an tlaih dih hna sihmanhseh law Cherry Htet kong cu rak theih hrim a rak si lo i chung lei zong nih bia chim nak zei hmanh an rak ngei lo. Mipi dih lak Cherry caah an thin a phang ngai ngai ti an theih hnu ah NLD nih Cherry Htet cu a him ko ee, thin phang ding a um ti lo. A tu hi a nu Suu Kyi he naihniam tein an um ko tiah NLD sin in theih a si.
Thawngpang tha ngai ngai a si. Hi thawng tha theih hlan ahcun kan lung re kan rak theih pi cio hna sihmanh seh law a tu cu hna ngam tein kan um kho cang hna, Hnangam tuk a si.