Taipei – ah hin boruak asang chinchin cang ruang ah Taiwan nih China lak ah tih nung dirhmun kan si cang ralrin dih ding nawl pek asi,

Taipei – ah hin boruak asang chinchin cang ruang ah Taiwan nih China lak ah tih nung dirhmun kan si cang ralrin dih ding nawl pek asi,

Tu lio vawlei boruak ah ram buai deuh deuh chung ah atel ve cang mi, Taiwan nih China lak ah thil tih nung aphan khawh cang caah, mikip le ralkap hna ralrin peng cang ding ah theihternak chuah in nawl pe kasi, China nih Taiwan cu tih mai mai phun asi lozia tiah ralkap hna theihter peng fawn asi cang fawn ruang ah siseh, China-nih mah hmunhma ah hin ralkap thazang hmang in, thil tampi le hriamnam chiah chih deuh deuh khi asi cang ruang ah hin, Taiwan nih cun hnangam tein um ngan ve ti lo in, an ralkap hna thazang thawnter deuh deuh le hriamnam thatha hna cu, an duty nak ceu ah ready peng cang ding in theihternak tuah le nawl pek khi asi cang.

Mah hi United States lei in an bawmnak hna he peh tlai mi zong asi tlat mi thil asi, Mah tein ram chung khawkhan lairelnak ah hin, America ram ah hriamnam thawng/cak bik pahnih ngei in, an ralkap hna thawnter le cawlcangter hi biapi bik in an chiah cang beiseinak zong asang ngai, mah chung ah hin MQ-9B Sea Guardian unmanned aerial drone le high mobility artillery rocket system (HIMARS) hna zong a tel dih khi asi.

Eurasian Times in tarlan ning ah, August 31, 2022 ah khan Democratic Progressive Party (DPP)-ah Legislator Wang Ting-yu nih cun, Taiwan nih Sea Guardian MQ-9B unmanned aerial vehicle pali (UAV) hna cu NT$10 billion a si, $16.88 billion (US dollar 555 million) a si, mah iremhnak nih hin Taiwan intelligence, surveillance le reconnaissance thil ti khawhnak tamternak hmang in, defence lei ah thazang thawnternak phun khat asi.

US defence contractor General Atomics Aeronautical Systems nih Sea Guardian MQ-9B drone an tuah mi asi, mah hi MQ-9 Reaper in hmanrua tih nung bak mi maritime variant arak tuah chuak fawn, Sea Gardian UAV pali le a pehtlai mi hardware le ground control station-hna caah, support system hna cu NT$16.88 billion bak khi asi, MQ-9B nih hin Taiwan pawngkam hrawnghrang le tipi ah, Taiwan Air Force-hna nih ahlatnak hmun ah zohkhen le an hlatthlai khawhnak ah bawmtu thatuk mi asi lai tiah an chim mi asi.

ga-asi.com news ah an langhter mi: MQ-9B Sea Guardian hi SATCOM kaltlang in, suimilam 30 tiang (configuration ning in) kheng bantuk in zuang khawh ding ah tuah mi asi, Khua lum/sa phun phun chung zong ah zuang khawh ding asi, civil airspace-zong ah him tein an ipeh khawm khawh fawn, Cun, maritime domain chung ah khawika hmun zong ah, chun ah siseh, zan ah siseh, real-time situational awareness pek ding in joint force le civilian authority-ah a lut khawh fawn tiah chim asi.

Lynx Multi-Mode Radar, electro-optical/infrared sensor thanchonak taktak, automatic take-off le landing khawhnak, Sky Guardian bantuk bak in 79ft (24m) wingspan zoh dawh ngai asi fawn, Sea Guardian ah hin wide center area maritime radar mission kit, automatic identification system, le optional standalone anti-submarine warfare (ASW) mission kit a ken tel fawn, Sea Guardian nih hin tipi lei ah, intelligence, surveillance le reconnaissance (ISR) khawhnak le thanchonak pehtlai asi fawn, A class-class hi RPAS chung ah tipi cung le tang lei ah, real-time search le patrol khawhnak hmasa bi kasi fawn.

Mah hriamnam tha taktak mi hi atu ah US he tangti in China lak ah iven khawhnak ding le doh ve khawh ding ah, ready ter cuah mah lio asi cang tiah news report ah langhter asi, China le Taiwan buainak ruang ah, US nih cun Philipine Military base cu US hman khawh ding ah sianh pia kasi ve cang fawn, mah buainak hi arak chuah sual bak ah cun tiin, Philippine ambassador to the US Jose Manuel Romualdez nih an ram le ruahnak kau ngai angeih mi cu lawm umtuk tiah ati.

America nih Philippines military base hna hmang khawh asi, kan nih ram hme hna hi kan security caah tha ngeih hi ruah hmasa aherh tiah achim ve fawn, Romualdez hi President Ferdinand Marcos Jr. hawitha ngai siin Manila lei ah power/nawl an ngei ngai ngai mi khi asi, cathanh atuah mi ah hin,  Taiwan issue ah Manila nih an ngai pawimawh in, Neutrality in an um lo timi afiang ko.

Aho hmanh hi idoh le buainak hi kan duh lo nain, America Taiwan le China hna Tension niamter zong duh in nawl peng asi, Sihmanhselaw boruak hi minung ruahnak pin ah, thil phan khawh asi, tiin an chim, mah biachim hi Filipino acoyah thar nih America cung ah lungput cu, “Our military and the military of the United States are all looking into what are the possible areas,” ati, tu zing 5th September ah khan Taiwan Strait Chinese fighter 2 nih an cross than asi, Philippines, Vietnam, Malaysia, Brunei, Taiwan & China hna nih South China Sea an ichuh lio asi fawn.