Taiwan Democratic himnak ding le China alulingtuk nak hmun South Chin sea ah China cawlcang mi khamh daiter ding ah  mah QUAD ram Pali Japan, Australia, India, United State hna cu,

Taiwan Democratic himnak ding le China alulingtuk nak hmun South Chin sea ah,

 

China Taiwan invasion nih hin zei thil dah achuah pi hnga? Idohnak chuak taktak selaw China zong an tlukchiatnak can asi ve thiamthiam ko lai, Japan le bang nih cun War Centre tuah hi arak chim daih cang kha asi, mah ram 4 tanrual ti ding ah hin zei tiang dah an kalpi cang timi hi fiang in kan theihrih lo hmanh ah, ruahman nak felfai tein an ngeih cang lai tiah zumh asi, mah ram hna long si lo in, Malaysia, Indonesia, Philipine, hna zong a um rih ko, mah pin ah US nih German ah ralkap zei maw zat lak chuah in Vietnam (Communist ram) ah anchiah laik hi asi fawn, China hi hmunkip in doh khawh ceu asi, atu ah China nih an ti khawh tawk cu mi hrocer le warning pek hi an ti khawh tawk khi asi bik ko.

India le Russia hna hi Military lei ah akawpti bantuk in kan theih ko nain, US le India hi hlan lio pi in hawitha bik le fek ngai mi kha asi, Indirect bak in hriamnam zong ah France le Israel he hin hawitha ngai ngai le tuantinak tha anrak ngeih fawn cang mi asi, Russia belte cu sumdawnnak ah atuanpi mi ram lian asi, Russia nih India bawm zong an bawm khawh dirhmun asi, US le India nih cun Line of Actual Control (Lac) lei ah military exercise an ngeihti fawn laik hi asi, China caah cun hnangamnak ding a um lai lo khi asi, India ram Politics afim ve bak mi asi, Russia hi tha tein atuanpi lio asi, China he cun ramri buainak ruang ah, atu tiang remdaihnak a um kho rih lo khi asi.

Russia le China support ram hna hi cu ram thancho cang mi pakhat hmanh a um lo, ram sifak/retheih mi hna long khi asi, tah chunnak ah Pakistan, Bangladesh, Myanmar, Afghanistan, Iran ti bantuk hna ram khi asi, Russia nih Ukraine adoh lio ah Russia ram supporttu hna cu zei hmanh in an bawm khawh lo, ralkap belte cu tlawm pal an pek ve khi asi ko, Ukraine cu ram tampi hna nih ei/din le US$ pin ah hriamnam thatha hna he an bawm lio ah, Russia cu aho ram hmanh nih an bawm kho bak lo kha, Belarus belte ah hriamnam hmannak ding ah base asi tawk ko kha asi, atu ah China nih Taiwan hi doh/thuat taktak hna selaw Russia bantuk thiamthiam dirhmun ah dir ding an si ko lai, aho ram hmanh nih China hi an support bak lai lo timi hi afiang ngai ngai ko khi asi.

US hi cu vawlei cung ah ram hruaitu tha le afim mi, ram dawt taktak in riantuantu longte an si, atutan President Joe Biden belte cu, ram hruaitu tlak taktak khi asi lo, America ram Economic ah thanchonak in aniam le peng khi asi, pin ah Foreign policy ah zeihmanh hmalak nak nih thanchonak lei lam nak in ram tampi buaitertu deuh leng mang khi arak si, an khualtlangnak kip ah remdaihnak lei si lo in ram pakhat le pakhat karlak ah hem thlaktu asi deuh peng in alang fawn, Nancy Pelosi tlawngnak zong cu bantuk thiamthiam khi asi, middle East lei zong ah remdaihnak in buainak chuahtertu deuh khi asi, Palestinian atlawng hnu ah dakaw Gaza strip nih Israel ram chung ah rocket tampi anrak kap lut cu, Israel thinhunnak nih fakpi in Gaza ah an bomb chiat piak ko kha asi.

Cun ral dohnak lei ah hin US experience ngeih mi hi aho ram hmanh nih an tluk rih bak lo khi asi, ral doh an thiam ngai ngai fawn hna, vawlei remdaihnak ding ah hin ral an doh tawn mi asi, hriamnam thatha an ngei ruang le ralkap tha zang an ngeih ruang ah ral doh an si lo timi hi kanrak theih ceu ko kha asi, US cawlcangnak ruang ah Iran an cawl ngam lo, Iraq an cawl ngam lo, Afghan zong asi thiamthiam, vawlei cung ah terrorist hna tampi Syria le Turkey karlak ah um mi hna cu, US cawlcang hna hlah selaw minung zeizat dah an thah cang lai terrorist pawl nih timi mithiam pawl tuaktan ning zong asi.

US politics thiam ning pakhat cu Economy lei hi asi fawn, President Trump san lio ah khan China Economic lei ah arak thancho ding mi hna cu arak phih piak taktak ah cun, China nih zei hmanh chim ngam bak lo in Economic war hi US nih hram an thawh mi asi tiah social media lei ah soisel nak long an tuah khawh tawk kha asi cu mu! US nih politics le Economic war ah hin Tactic than gai ngai ngeih asi pin ah Tactic arak ngah ngai ngai zong asi fawn, Ukraine zong ah Russia hi an buai deng mang tawn kha mu!  US tactic thiam ning hi Russia nih atheih ko hmanh ah zei ti awk tha ti lo khi asi, US hi kan karlak ah arawlh ding asi lo tiah soiselnak long atuah khawh adang zei chim awk angei bak lo.

Adonghnak bik ah Russia support ngaingaitu Belarus zong hi chim khawh asi lo, hmailei ah cun, West pawl side Party ah alut lai lo tiah chim khawh asi lo, US lei tang ram tampi hna hi vawlei umtu ning zoh ah hin, kan hnu lei ah Sweden le Finland zong nih West ah an joint ve ko cang kha mu, Russia le China nih cun US fimnak hi an cawn peng ko lai hi asi ko, International politics ngaihven taktak tu hna nih cun, US ram politics kong hi bia taktein anrak hlathlai pin ah ram tampi thancho ning hna tiang anrak chim khawh dih khi asi ko, Russia le China hi kan rak zoh rih ko lai??