Taiwan nih cun a vawikhat nak ding ah Chinese drone cu ralrin pek nak meithal akap bak cang, China nih zei hmanh lehnak angeirih lo,

September 1, 2022September 3, 2022 Pu Tawn Mang

Taiwan President bia chim ropi ning le an ralkap hna ralrin peng cang ding ah nawl pek asi fawn cang,

Taiwan Strait hrawnghrang ah China-nih an buaiter peng cang ruang ah, regional tension a tuahtu asi peng khi asi cang, mahruang ah cun, kan ralkap hna nih cu ralthatnak fekte in angeih timi langhter asi cang, Communist ralkap hna cawlcang ning ah, zei maw tiah ithuat/dohnak achuak lai lo timi hi chim khawh asi ti lo caah, Communist ralkap hna thuat ding in front line ah, ral doh ding in ralkap unau rual hna nih, raldoh ding ah ready ter an si pin ah rian fak taktak mi le har taktak mi hna cu ram chanh nak caah rian tampi an ngei cang ko tiin achim.

National Army riantuan ning ah confirm ding in, atu lio ah hin unit zei maw zat cu a hnu zulh in ka kal ve hna cang, pumpak hrimhrim in lawmnak tampi ka ngei fawn, Nizan ah khan Air Force-ah 6th Radar Squadron-ah ka kal fawn, Navy Sea Front-ah 3rd Squadron-ah ka kal than fawn, Radar squadron nih suimilam kip ah, communist ralkap thazang cu zoh peng asi, Haifeng squadron belte cu an dir peng ko, communist ralkap thazang ngeih mi cu bia tak tein zoh peng asi cang, zei dah an tuah lai timi hna fiang in theih peng asi cang lai ati.

An ral hna lak zong ah a herh ning in hma lak ding ah, kei mah le kan ralkap hna nih hin Ralthatnak kan ngei, aruang cu ram venhimnak ding ah kan lungput hi biapi bik arak si ati, Thil harsatnak, Buainak, zei poh kan hmaika ah a um ko lai, mah vialte hna teinak nun ngeih ding in training ngeih peng asi, cawnnak tha kan ngeih dih cang ati fawn, Duhsa duhsa tein China thil tuah mi cu kan let peng khawh lai, Taiwan humhak nak ding ah faktuk in timtuah asi tiah achim fawn.

Miphun ralkap asi bantuk in an dirhmun ah an ifian dih cang hnu ah cun, thil zei poh ah hnangam tein nundan ning in kan nung ceu khawh lai, kan ral hna dirhmun chim ding a um lo an mahr uang ah kan dirhmun derthawng ah akan chiah tu hi, remdaihnak duh lotu le buainak chuahtertu peng hi asi, atu ah cun Taiwan nih hin ram venhim ding ah, timhnak fek le zei lei poh ah ready peng ding hi kan ria nasi ko cang, mah thil cu kan ral hna theihter hi asi ko, Kan miphun ralkap raltha in hmailei panh hi asi, mah cu democracy ram dirter nak ding ah ralkap hna he lungrual tein ram venhim hi asi ati.

Taiwan nih cun a vawikhat nak ding ah Chinese drone cu ralrin pek nak meithal akap bak cang, China nih zei hmanh lehnak angeirih lo,

Taiwan President Tsai Ing-wen-nih cun, China cawlcang ning cu fak nawn in leh cang ding ah ralkap hna cu nawl pe kasi cang, Nizan ah khan Taiwan ralkap hna nih cun Tipi pawngkam te ah, mawng/drive tu um lo mi Chinese drone cu, ralrin peknak hmasa bik caah an kap piak cang khi asi, kan hnu lei deuh ah khan Kinmen Island pawng ah, ralkap Exercise nuncan cawnnak an ngei, China tipi kam, an controlled area chung ah Island hmetete hna ah vawi tam pi an zuangter hna khi asi.

China drone chung ah pakhat cu warning/ralrin pek nak caah an kap tiah, Taiwan ralkap thawngthanhtu nih arak phuang kha asi, Taiwan nih China Drone an kah hnu ah, mah drone cu China lei ah aran khawhnak chung in akir than tiah, Taiwan ralkap thawngthanhtu nih atu bantuk in a phuang chih mi asi, China le Taiwan karlak zong ah iremh lonak boruak asang lio ah, atu bantuk in Taiwan nih warning/ralrin peknak avawikhatnak ding ah, Drone hi an kah piak mi asi tiah an ti.