Taiwan nih F-16VS he Military Drill an ngei bak cang US he 21st century Economy ah tlamtling deuh deuh asi Japan zong nih Taiwan visit lai China lulingtuk lehnak ding ah,

China, US, Taiwan, Russia, Ukraine, India, Israel mah ram hna hi atu lio ah vawlei thinphan le buaitertu deuh ah acing rih ko, China’s war games lehnak ah Taiwan nih zan lei ah F-16VS he van boruak ah Military Drill an ngei ve fawn cang, House of Representatives Speaker Nancy Pelosi visit hnu le US lawmakers 5 hna nih Sunday & Monday cam in an tlawng ve than hawi, Hualien air base, Taiwan’s mountainous east coast ah Taiwan Air Forces hna nih F-16 Boeing Co’s Harpoon anti-ship missiles fit in an duty, Defence ministry spokesperson Sun Li-fang “Taipei nih China’s military exercises hi kan soisel ko nain, Taiwan Air Forces nih an thiamnak thil an lannghter nak can tha kan ngei tiah ati.

Traning ngeihnak can rem cang kan ngeih khawh lo lio ah atu ah cu bantuk can kan ngeih khawh, Republic of China’s forces are confident, capable, and determined to defend the safety of the Republic of China,”18 Aug Washington: America le Taiwan nih Taiwan Straits tension sang tuk mi karlak ah ‘US-Taiwan Initiative on 21st-Century Trade’, ram 2 hna sumdawn tinak lei ah thazang kan ngeih nak ding ah hmalak asi tiin arak phuan, A bik in anti-corruption policy & environmental regulations tuantinak tha deuh ngeih asi lai, -Deputy United States Trade Representative Sarah Bianchi he itonnak ah an ceihti mi asi.

US President Joe Biden nih Taiwan Indo-Pacific Economic Framework for Prosperity (IPEF) in lak chuah in, Washington nih Taipei direct bak in trade ah fakpi in hmalak asi pin ah a herh ning in venhimnak zong tuah asi lai, Nixon-era policy ah Washington nih Taiwan independent country ah an pawm lo hmanh ah, Taiwan Relations Act of 1979 hnu khan Taiwan zoh ning hi adang deuh deuh khi arak si, Taiwan ram thancho nak lei le hriamnam thatha zong US nih hin an cawkter peng fawn khi asi, Taiwan acoyah hruai ning zong Democracy kal ning in an kalpi ko khi asi, mah cu China nih an duh lo ngai tawn khi asi ve, Atu ah hin Japan aiawh zong nih Taiwan visit ding in chim asi cang.

Russia le North Korea tangti in Ukraine dohnak ah an cawlcang lai tiah chim asi,

Zar hmasa ah khan Western intelligence nih North Korea nih Ukraine invasion ah hin, Russia ralkap bawm ding in volunteer zei maw zat he, an bwam lai tiah theih asi, Nain Russia Foreign Ministry nih North Korea he tuanti ding ah, zei hmanh ibiakchawnhnak kan ngei lo tiah, vawleipi hmai ah athupter khi asi, cu bantuk thawng pang um zong atheih lo kong arak chim khi asi, Sihmanselaw atu ah an cawlcang ning ah hin kan hnu leipi in bia athupter khi asi, nain news site tampi ah North Korea nih Russia cu Volunteer in ralkap zei maw zat kalter asi lai tiah theih asi.

Kan hnu lei deuh ah khan North Korea President Kim-Jong-un nih aherh ah cun, ralkap thazang tingkhat 100,000 he ka bawm khawh tiah arak chim cang kha asi, Russia Ukraine invasion ah Russia ralkap le hriamnam an ngeih mi hi atha tawk pin ah, DPR lei hna nih ralkap ngeih cia zong atha ko tiah, bawmtu kan herh lo, tiah vawlei theih ah cathanh atuah, mah an cathanh tuah mi hi hmai phih nak men asi tiah news site ah Analysts hna nih an chim, kan hnu leipi ah khan Syria ram chung in Frontline ah kalter ding in terrorist tampi Putin nih an auh timi kha kanrak theih ko kha mu! Putin hi Lih chim hi poi ati bal lo khi asi, atu cathanh an tuah mi zong hi mi tampi nih an zumtuk lem lo khi asi.

Mah tuantinak cu hiti hin confirm asi, North Korea & Russian-occupied Donetsk region of Ukraine ah cun ‘bilateral cooperation’ ding in biakam felfai tein tial asi, August 15 ah khan Denis Pushilin nih Korean liberation day, peh tlaih in lawmpi nak bia le Denis Pushilin nih hin Russian president, Vladimir Putin nih North Korea ca akuat nak ah khan an bia chhanak tial cu an kuat chih tiah theih asi, “The people of the Donbas region, too, are fighting to regain their freedom and justice of history today just as the Korean people did 77 years ago. The message expressed the conviction that an equally beneficial bilateral cooperation agreeing with the interests of the peoples of the two countries will be achieved between the People’s Republic of Donetsk and the Democratic People’s Republic of Korea,”, North Korean state news agency KCNA report.

Russia’s ambassador Pyongyang, Alexander Matsegor nih republics Donetsk & Luhansk DPR & LPR hna idohnak ah thil chia hna sersiam than ding ah, North Korean workers hna nih bawm ding ah ready peng le ahuam peng ko tiin anrak chim peng cang kha asi fawn, atu bantuk in ram pahnih hmalak nak hi Russia le North Korea hna hi zei bantuk lam dah an zawh lai timi hi asi ko cang, zei lei poh ah tuanti peng ding ah kar thlang an tim timi hi atu tan Ukraine dohnak ah athlithup in North Korea nih Russia an bawm nak nih hin afiangter ngai ngai ko.