Tedim kahdohnak ah SAC phu minung 4 hrawng le khuami pahnih an thi

Tedim kahdohnak ah SAC phu minung 4 hrawng le khuami pahnih an thi.Kalay-Tedim khua luhnak hauka ah kahdohnak a chuak i SAC phu in Palek le Ralkap minung 4 hrawng an thi, khuami pahnih an thi ve, tiah kan theih.

“Khuami in a thi mi hna hi mino pakhat cu inn a tinlei ah alu ah an kah. Cun, kum 40 hrawng upa pakhat zong inn chung a um lio ah alu ah an khen ve i an thi,” tiah Tedim Civil Society Support nih a thanh.

Crd- The Hakha Times.

Relchap: SAC Ralkap nih Mindat Mipi Ralkhamnak ah an Hman hna caah CDF-Mindat nih an Hrial Chung Hna!

Nihin zinglei sml. 7:00 hrawng in zaanlei sml. sml. 3:00 tiang SAC ralkap helicopter nih voi 30 hrawng Mindat khuachung ah ralkap le ralhriam pawl a rak chiah hna. Khuachung i SAC ralkap hmunkhuarnak in Mindat khuami hna inn pawl cu 60mm mortar bomb in pehzul in an kah peng hna. Kyaukhtuh in motor lam in SAC ralkap pawl an rat khawh ti lo caah helicopter hmang in ralhriam le ralkap pawl an chap thluahmah hi a si.

May be an image of aircraft and nature

“Khuachung i mino 15 an tlaih hna. An tlaihmi hna cu SAC ralkap nih ralkhamnak bantuk in hmai ah an kalter hna i khuachung ah an i chok. CDM a tuahmi zong pa paohpaoh cu an tlaih dih hna,” tiah Mindat mipi uktu bu nih thawngthanhnak ah an langhter.Khuachung inn pawl ah miakpi in an kah peng caah nu le ngakchia tampi zong ramlak ah an zaam hna.

May be an image of outdoors

“An tlaihmi minung pawl ralkhamnak ah an hman hna caah kan kah hna ahcun kanmah minung pawl kan khen hna lai ti kan phan caah CDF-Mindat nih kan hrial chung hna. Kan rak kir tthan lai i kan doh tthan hna lai,” tiah thawngthanhnak ah an langhter.

May be an image of outdoorsNo photo description available.

Crd- The Chin Journal.

Relchap: Mindat Ah Ralhrang Thazaang 1000 Hrawng Chap Dingin An Timtuah! (A Poi Kho Tuk Ee)

Mindat Cu Ralhrang Thazaang 1000 Hrawng Chap Dingin An Timtuah.Mindat CDF nih ralhrang rallokap cu hmunthum ah then in rat ding an i timtuah tiah Mindat mipi vengtu tuanvo ngei pakhat nih a chim.

Nizan ah Choihthu vanlawng bual ah ralhrang thazaang 200 leng vanlawng in an phan, Mindat hmailei ah ralhrang thazaang 400 le,Khua hnulei ah Matupi le Sami lei ah ralhrang thazaang 400 cu i kahnak a chuak,hi i kahnak hi a fak ngai ngai tiah a chim chap.

Zaanthum pehzulh in ralhrang he i kahnak ahhin CDF lei in pali an nunnak a liam tiah theih a si. Mindat ahhin ralhrang lei nih hriamngan in Khua hmailei le khua hnulei pahnih in, inn tiang hnursuan in an kah, khua lengah umhmun an khuar tiah theih a si.

Nizan ah ralhrang nih thazaang chap mi mawtaw ningin CDF Mindat nih rawk dihlak in an kah i hriamnam zong an lajk chih hnu ah a tu bantukin thazaang an chap than hi a si. Lai meithal a tlaihmi Mindat CDM cu ralhrang nih vanlawng in hriamngan in an kah hna mihi rampi nih cohlan mi a si lo tiah a dokalh.

Crd- The Chin Post.

Relchap: Sopum Khua SAC Ralkap nih an Sakhaan an Chuahtak!

Thantlang peng, Sopum khua ah hmun a khuarmi SAC ralkap nih an sakhaan an chuahtak i an rak kir tthan ti lo, tiah Sopum khuami hna sin in thawng kan theih.

May be an image of nature, tree, sky and mountain

“May 4 ah khan sakhaan in an chuak. Mah sakhaan ah hin ralkap 17 hrawng an um. Hakha, Cawbuk ah an rak i kah hnu zinglei sml. 6:00 ah SKET motor le motorcycle pawl an i cit i sakhaan in an chuak hna,” tiah khuami pakhat nih The Chin Journal ah a chim.

Atu ah cun Sopum khua ah ralkap an um ti lo i, khualuhnak zawn ah mi check tibantuk zong a um ti lo, tiah a cunglei khuami nih a chim chap.

Crd- The Chin Journal

Relchap: Mindat Khua ah Pehzulh In Kahdohnak A Um Ee.. Thlacamnak in bawm cio hna usih!

Mindat: SAC ralkap nih a lang in Mindat khua miakpi in pehzul in an kah. Meithal kah thawng zong a thang len. A tang video hi nihin Mindat khua sining a si. Mindat ah nunpek in Ralhrang ralkap a kap mi hna Mindat CDF caah thlacamnak in bawm cio rih hna usih!

A Video zohnak :-hmet

Crd- The Chin Journal.

Relchap: Pu Tler Ling Ralkap Tlaihnak In A Thih Hnu ah Kan Laipa Pakhat A Nunnak A Liam Ve.

Hakha SAC palik nih May 9, zinglei sml. 9:00 hrawng ah Hakha Khuathar ah an rak tlaihmi Pu Khamh Bawi (kum 27) cu May 11 ah a nunnak a liam ve, tiah thawng kan theih.

Pu Khamh Bawi le Pu Tler Ling hi May 9 ah an tlaih hna i May 11 ah Kalay ralkap sizung ah thlop ding in ralkap nih an kalpi hna i an pahnih in an nunnak a liam.

Hakha ah tlaih a tongmi hna kong a tawlreltu pastor pakhat nih, “Atute bak kha Rungtlang ralbawi (Byu-ha-hmu thar) kan chawnh i, a thimi Bawia hi Pu Khamh Bawi a si ko a kan ti. Cuap zawtnak in a thi timi fianternak siizung catlap zong kan ngei ko a kan ti,” tiah The Chin Journal ah a chim.

Pu Khamh Bawi ruak cu Pu Tler Ling ruak he Kalaymyo ah hmun khat ah SAC ralkap nih an khangh tti hna. Pu Khamh Bawi hi Thantlang peng, Thangzang khuami a si i, fa pahnih a ngeih hnu ah a nupi he aa tthenmi an si.
Hakha Khuathar i Pi Hnem Zing inn ah aa thum i May 9 zinglei ah palik nih an tlaih lio ah Pi Hnem Zing innchung thilri zong an lehpiak dih hna.

Asinain, Pi Hnem Zing inn ah hin Pu Khamh Bawi he aa pehtlaimi phungning lo thilri SAC palik nih an hmuhmi a um lo, tiah kan theih.

Crd- The Chin Journal.