THAWNGPANGTHA (GOOD NEWS) :- ASEAN Meeting Ah NUG Lei Biachimtu An Chuak Ve Lai. ThawngFiang!

April 24 ah Indonesia ram Jakarta khuapi ah tuah dingmi Myanmar buainak kong ceihkhannak ASEAN hruaitu hna meeting ah Caan karlak cozah National Unity Government (NUG) in ramleng vuanci Daw Zin Mar Aung cu ZOOM in bia a chim lai tiah theih a si.

Hi kong hi NUG in Federal Affairs ramkomh vuanci a simi Dr. Lian Hmung Sakhong nih VOA he biaruahnak ah a chim!

VOA lei in bialhaltu nih “A rauh hlanah, asiloah atu in zarhkhat chungah mipi caah NUG sinin thawngpang tha theih ding zeital a um maw” tiah a hal i Dr. Lian Hmung Sakhong nih a cunglei bantukin a lehmi a si!

Jakarta meeting hi Myanmar buainak tuahremhnak ah a biapi tukmi a si! Hmasa ahcun MAH zong kai aa tim nain a hnuah video conferencing in ka lai tiah a chim than.

ASEAN meeting ah NUG nih biachimnak nawl an hmuhmi hi ASEAN nih caankarlak cozah NUG hi cohlan a timh cang tinak a si!

#VOA

Note: VOA le Dr. Lian Hmung Sakhong biaruahnak cu The Chin Post nih tlamtling tein kan vun chim than te lai.

Crd- The Chin Post.

Relchap: Vanzang Tlang khua 6 ah Ralkap nih ni 5 chung Curfew An Tuah ter hna!

Vanzang Tlang khua 6 Ralkap nih ni 5 chung curfew.

May be an image of sky and text

Thantlang Peng Vanzang Tlang khua 6 cu April 21 in April 25 tiang (ni 5 chung) Kawl Ralkap nih khualeng chuah an phih (curfew) tiah kan theih.

Hi kong ah khua pakhat in khuami pakhat nih, “Ni 5 chung leng chuak hlah u, ti a si i a nicaan an chap te hnga dek maw. Thantlang lei kal aa thawh mi zong Sopum khua in an kirter hna. Thantlang lei zong in rak luh khawh a si rua lo. Zeiruang bik ah dah curfew a si tu cu kan hngal kho ve lo. Zahnak Tlang le Khualhring Tlang lei tu cu an kham rua lo,” tiah The Hakha Times ah a chim.

Atu hi Vanzang Tlang Sopum khua, Zahnak Tlang le Vanzang lei lampial ah Ralkap nih hmunhma an khuar i an um.

Crd- The Hakha Times.

Relchap:

Thaal ruah a suur lo ca ah ram a rocar i loduah meitlaan in Thantlang Peng Vonkua khuami lungrethei in an um, tiah kan theih.

“Tukum hi nihin tiang thaal ruah a suur bak lo i ram a rocar ngaingai. Mei hi kanmah khua vahcap (lo vah mi) an duah mi lawng si loin kan khua pawng Belhar, Tikir, Salen le Lulpilung khua loduah mi mei zong a si fawn. An phalh khawh tawn nain a tlaan (tlaih) than lengmang i atu hi kan khua kiang thinghual lawng a him cang. A dang cu a kaang dih. Cun, khuapi nih kan toh (din) mi dinti laaknak tipep (pipe) zong a kaangchih i dinti loin khua kan sa. Pipe dang in an remh liopi a si,” tiah khuami pakhat nih The Hakha Times ah a chim.

Vomkua hi inn 60 hrawng khuasa an si. Chinram ah thial lengmang mi tlanglo tuah in paw aa cawm mi tam deuh hi Thantlang Peng khua hna an si. Thaal ruah a suur lo ca ah loduah meitlaan nih ram tampi a tlaih (kanghchih) mi khua zeimawzat an um cio, tiah kan theih.

Crd- The Hakha Times.