Tih a Nung Tak takmi Thlichia Totho Hurricane Michael cu US Florida Chaklei Panhandle region a phan cang

Tih a nung tak takmi thlichia ttotho Hurricane Michael cu US Florida chaklei Panhandle region a phan cang. Hi tih a nung tak takmi thlichia ttotho hi a min ah Hurricane Michael tiah min pek a si i, a thlichia a pinh lei tahnak  zong ah Category Four bak a si. Hi thlichia a hran ning ding hi, a fah lei ah 155mph bak a si lai. National Hurricane Center nih an langhter ningah hi tih a nung tak takmi thlichia ttotho Hurricane Michael hi cacawn ni thumni (Wednesday) chun ah khan Mexico rilikam le US Florida pawng a phan ti a  si.

Atu ah tih a nung tak takmi thlichia ttotho Hurricane Michael cu US Florida chaklei Panhandle region a phan cang. US, Florida i khuasa minung thong tampi cu an umnak inn chuahtak dingin nawlpek an si cang. Asinain mi tampi cu Tih a nung tak takmi thlichia ttotho Hurricane Michael ruang ah zaam loin an um. An umnak inn an chuahtak duh lo.

Florida Governor Rick Scott zong nih hi Tih a nung tak takmi thlichia ttotho Hurricane Michael kong he pehtlaiin ralrin a pek cang. Florida Governor Rick Scott nih cun tuak khawh lomi chiatnak (unimaginable devastation) a si lai i, kum 100 chung i a fak bikmi thlichia a si lai tiah a phuan. US laifang (central America) ah thlichia le ruah ruangah minung 13 bak an thi cang. US Florida i khuasa minung 370,000 hna cu hmunhma a sannak lei ah zam dingin nawlpek an si asinain minung tlawmte lawng an zam rih.  

Source: BBC

Leave a Reply

Your email address will not be published. Required fields are marked *