Tlangcung hriam tlai chung ah abik in Chin ram chung hriam tlai hna kan mah le kan mah chung ah iremh lonak achuak maw sihnga??

CNA/F le Hualngo PDF hna nih PDF Zoland ralkap 2 an kap ruang ah, Mizoram Hospital ah an zohkhen lio asi tiah theih asi, PDF Zoland hna hi Zomi lei deuh an si, CJDC member zong ah a tel ve mi asi, CNA/F le Hualngo PDF hna nih dawh cah lo ngai ngai in le dik lo ngai ngai in an cawlcang ruang ah hin, CNDF/ CNO hna zong nih an remtuk lem lo nak zong asau pah cang rua?? Mah ruang ah cun CNDF/CNO le Hualngo PDF hna hi an ikap te ko lai tiin khuachung mi hna nih Social media ah atu bantuk in an chim hna khi asi.

Mah thil cang mi hna hi ataktak asi ah cun, thil kalpi ning Policy hi adang dang asi lo atluk ceu ko bu in zei ruang adah an irem lonak asi?? Miphun ralkap kan si duhnak cu Kawl ralhrang pawl le Min Aung Hlaing doh hi asi ceu lai kazumh, amah belte cu kan doh ning lam atluk lo kho men, Overs ground lei ah doh mi phu an um ve bantuk in, Underground lei deuh hi meithal tlai an si deuh ko, Chin miphun chung ah Bu min hi adang ceu ava si ko hmanh ah kan doh mi ral hi bia tak tein kan fian aherh ngai in ruah asi, kan doh ral kan fian lo ah cun kan mah le kan mah chung lila ah buainak tete hi achuak peng ko lai timi hi afiang ngai.

CNF/A, CDF, PDF, CNDF/CNO kan va si ceu ko hmanh ah kan doh bik mi target hi fiang tuk in theih arak herh khun, thil pakhat ralring awk ah aherh bik mi cu, kan karlak ah hin irem lonak tuah ding ah hin ah oho maw arawlh sual lai timi hi biapi bi kasi, Kawl ralhrang pawl nih hin aphunphun in Idea an chuah hna lio khi asi, Chin miphun chung ah miphun ralkap hna thazang athawn/raltha / pasal tha taktak an si timi hi fiangtuk in an theih ko, mah cu thazang dernak ding ah lam an kawl peng ko timi hi, kanrak theihthiam lo ah cun, atu bantuk in kan karlak ah zei maw tete iremh lonak phun hi achuak sual lai timi hi thin phan awk ngai ngai khi asi, kan hruaitu hna nih lung fimte in cu bantuk problem solve khawh ding ah lam kawl peng hi aher, cawn piak peng hi aher, kan karlak ah irem lonak hi thil hmete khi asi ko, mah nak in ralhrang doh hi biapi deuh timihi kan lungthin ah cam peng selaw atha lai.

Tlang cung mi hna nih Kawl ralhrang pawl kan dohnak chan bik pakhat cu, Military council nawlngeihnak sungter in Federal Democracy dirter hi kan tim bik mi asi pin ah, rampi democracy uknak asi khawh cang ah cun, Tlangcung mah le State ceu ah federal/full state nawlngeihnak hi kan beisei bik cem asi, mah le state ceu ah federal khawkhan lairelnak phun in, mah state chung te ah, Upadi ngei, Culture cawisang, Education system thanchoter, thiamnak sang tiang zalong tein uknak phung hram tiang ngeih khawh hi kan duh bik zong arak si lio ah, atu bantuk in kan mah chung ah zei maw tete iremh lonak nih hin zei lei poh ah thanchonak lam dawnkhantu asi timi hi theih ceu hna usih law thazang kan ngei chinchin lai zumh asi.

Tlang cung hriam tlai vialte hna nih Kawl ralhrang hna hi nawlngeihnak chung in, sungter ding ah doh kan sic aah, asung hlan tiang kan doh te ko lai, mah cu kan AIM & OBJECTIVE asi, kan chungkhar chung ah zei maw tete ruang ah thazang der ding kan si lo, kan thil tim tah mi target hi kan lungthin chung ah tial dih usih law, aho hmanh nih akan hrawh piak khawh bal ti lai lo, Britist san lio in Chin miphun ralthatnak le pasal tha kan sinak hi venhim peng hi kan ria nasi, Sahrang hmai ah ralchia bal lo mi Chin Miphun kan si, zumh tlak mi Chin miphun kan si, lungrual mi Chin miphun kan si, Min thang mi Chin miphun kan si, azei poh poh lei ah vawlei cung tiang min angei cang mi Chin miphun kan sinak hi venhim peng ding ah nang leh kei mawh phurnak asi. Ka lawm.