Tlangram Ralkap Phu 3 Fonh in Northern Alliance An Tho!

Northern Alliance An Tho.

May be an image of text

Northern Alliance (NA) tiah phukomh in ai fonhmi AA (Arakan), TNLA (Ta’ang’) le MNDAA (Kokang) nih Shan ramkulh Lashio khuapawng ummi Naungmon Palek sakhan an kah. Palek pa (14) an thi, pa (2) an tlau, an chungkhar pa (7) nih hliam an tuar. Kawl ralkap nih an lehrulh cuahmah lio hna a si.

March 31 in khan anmah Northern Alliance (NA) nih kah hmasa lo ding ceasefire an rak thanhmi zong a dih cang.
Ceasefire pehzulh le le zulh lo kan i ruat ta lai tiah an rak chim. Atu tiang pehzulh um lo. Kawl ralkap nih ton an timh hna ti zong nizan nai ah khan thawngpang a chuak. Nizan tih ni ah khan UWSA (Wa) le SSPP (Shan north) kha cu an ton cang hna.

Sandah piah mi nan kah peng hna ahcun mipi lei ah kan dir lai ti zong in Kawl ralkap an (NA nih) rak tlerhkhonh bal cang. Cu hnu in Northern Alliance (NA) nih a voi khatnak bik an phomh hna hi a si. NA hi an phu thum ning in cu hlan ah Tuluk nih a dirkamh i a bawmh mi hna an si tiah Kawl media nih an rak chim tawnmi an si.

NA phu thum fonh in ralkap 15,000 lengkai an ngei lai tiah ruahdamh a si.

by June NLS
Crd – Irrawaddy, Myangmar Now