Tu Lio Kawlram Chung Ahhin Ramdang Mi Hi An Him Maw?

Indonesia nih Kawlram a buai deuh rih a si le a mi (indonesian) hna an him ding a si lo ahcun, Kawlram i a um mi Indonesian vialte a ram ah laak dih colh a timh hna.

Myanmar i Indonesia Ambassador a si mi Iza Fadri nih, Indonesia mi hna Kawlram in chuah lai hi Foreign Ministry nih a rak khan cia mi a si ko. Sihmanhsehlaw a tu tiang ahcun Kawlram i a um mi Indonesians hna cu an him ko rih tiah a chim. Ramdang cio cio zong nih an miphun kawlram chung i a um mi caah biatak tein mah kong ah hin an ruah piak ve hna.

Kawlram chung i a um mi ramdang mi, kawlram nih pakhat khat in a tuah ahcun Ram pi buainak tiang hmanh a chuak kho mi a si. Cu ruang ah cun a him lo ding dirhmun an phak ahcun rianrang in ka laak colh hna lai tiah Indonesia cu ai tim cia cang.

Ministry a ca chung ning ah cun Kawlram ahhin Indonesian hi 500 fang a tu lio ahhin an um hna. Zinaan le Gas tuahnak ah rian a tuan mi zong an um, Tilawng ah a tuan mi zong an um hna. A bik in Yangon khua chung ah hin an um dih hna ti theih a si.

Source Credit: Erric Permana/aa