Tu thla chung Chin ram chung idohnak ah Military Motor kah chiat piak le ralhrang an thah cang mi hna le KNLA nih Gen. Nupi le ralhrang an thahnak cu,

Chin state chung ah Chin pasal tha rual le military ralhrang idohnak ah motor an kah chiat piak cang mi hna cu 16 asi cang, Oct 13 ah khan Falam le Hakha lei ah an kal cu, atu tiang thuat an tong peng rih ko khi asi, Oct 14 ah khan miphun ralkap hna nih military motor 7 bomb chiat piak asi fawn khi asi, Nizan Oct 17 ah khan CNF, CNDF, le CDF hna nih bomb an puah piak than tiah thei asi, Military hna motor 60 leng an ra khi asi, CNDF thawngthanh tu nih Nizan Taal khua pawng ah Military motor motor 9 hna zong thuat an ton tiah thei asi, military motor hi tampi hrawh piak asi cang, Nihin ah Falam khua chung ah ralhrang nih meithal lian he vawi 2 an kah tiah an ti, Jet fighter zong akal tiah thei asi.

Oct 18 Chin state Falam khuapawng ah military ralhrang, motor 9 an bomb chhiat piak asi fawn, Chin state Falam Taal khuapawng ah military ralhrang umnak hmun ah ralhrang motor 9 cu an bomb chiat piak fawn tiah thei asi, atu tiang Chin state chak lei thlang lei Mindat hrawng hna ah idoh kahnak ruang ah ralhrang hi 40 leng thi in hriamhma ngei mi hi 60 leng hrawng asi cang lai tiah news site ah langhter asi.

General Nupi le ralhrang 5 hna cu KNLA ralkap hna he idohnak ah an thi tiah thei asi,

Oct 17 Nizan Sunday zan lei suimilam 5:00pm hrawng ah khan, KNLA ralkap nih Military General nupi le ralhrang 5 an kap tiah an ti, Mon state, Kyaikto Township, Zalon Khua ah um mi ralhrang hna camp LIB 598 chung ralhrang cheu khat hna cu khuachung ah thil cawk ding ah akal, akir lei ah miphun ralkap hna nih anrak bawh hna, an kalnak motor cu rak kah piak in motor zong atlu ve cawlh, ralhrang motor acit mi hna hi an thi dih khi asi, mah athi mi chung ah hin General nupi le military Lieutenant Colonel Kyaw Tun Aung a tel tiah KNLA lei nih an thanh, Military ralhrang lei nih hin mah thil cang kong ah Camp dang LIB 207 le LIB 598 hna cu chawnh cawlh asi tiah thei asi.