Tuni cu Ralkak nih uknak an laak ka in thihnak a tam bik ni a si!

Ngaihchia le lungkuai khotuk asi ko. North Okkala cu. Zan suimilam 9:00pm atlin cang caah mithi le hliam tuarmi mincazin cu an khar cang. Atutiang ah mincazin theihkhawh asimi cu a tanglei bantuk an si lai. North Okkala chung lawng ah:-

Mithi mi dihlak= 22,
hliamhma tuarmi= 57,
nunnak caah thinphan asimi hna= 12,
a tlaumi = 108 le Ambulance a rawkmi dihlak= 5 hna an si.
Hi bantuk in ralkap uknak duhlonak langhter ah mitam bik an thihnak state asi tiah an chim.

Crd: Chin Post

Relchap: CNLD in 2020 kum thimnak ah aa zuammi Pu Kyaw Nyin nih ralkap sawmnak a cohlan!

A cutluk kawlram thawnpang chiat a zual chin lio ah Miphun le Ram caah dawtnak an ngeih lo ning hi a mak.

CNLD in 2020 kum thimnak ah aa zuammi Pu Kyaw Nyin nih ralkap sawmnak a cohlan.

May be an image of 1 person and standing

2020 kum Myanmar ram party tling Democracy thimnak ah Chin Ramkulh Paletwa Peng, CNLD party in aa zuam mi Pu Kyaw Nyin nih ralkap council zung ah riantuan ding an sawmmi cu a cohlan tiah theih a si.
A cohlannak kong he pehtlai in amah Pu Kyaw Nyin nih, “A cohlan timi hi a dikmi a si. Ka cohlannak a ruang zong hi kan nih Paletwa cu mizapi nih kan theih cio bang ram buainak zong a um. Cun, COVID-19 zawtnak zong hi phunkhat a rak si ve. A bikin kan ram a daih khawh nakhnga tuah a herh, cohlan a herh timi ruahnak in ka cohlan mi a si,” tiah The Hakha Post ah a chim.
Pu Kyaw Nyin hi 2020 kum thimnak ah Paletwa Peng Pyithu Hluttaw mee hmun ah aa zuam i teinak a hmu lomi a si.
Cun, atu hi Council zung kai ding in Hakha lei ah a ra lio a si. Anih hi USDP Cozah chan lio zong ah Cozah lutlai a rak tuan bal mi a si.

Crd: The Hakha Post