Tuni Mandalay Ah Ralkap nih Machine Gun le Bomb in mipi an kah than hna.

May be an image of 3 people, people sitting, motorcycle and outdoors

A cu tluk Ralhrang lih khawh le sual khawh cu dah, Nizaan, March 31 ah Kahdohnak thlakhat chung kan ngol lai tiah bia an chuah hnu ah tuni ah Madalay ah Mipi hna cu Machinegun bak in an kah than hna tiah kan theih. Meithal long si lo in bomb zong an hman chih tiah an chim.

May be an image of one or more people, people standing, motorcycle and outdoors

No photo description available.

May be an image of 5 people, people standing and outdoorsMay be an image of 4 people, people standing, people sitting, outdoors and text that says "MAHAR 18"

Tuni an kah hna nak ahhin minung 3 cu an thi tiah an fian ter cang. 20 tluk hrawng hi hma an tong ve i, thi ding dirhmun ah a um mi zong an um kho men tiah an chim fawn. Mi pakhat cu a lu ah an kah i a thluak te hna zong a chuak dih, Zoh ahhin celh awk hrim hrim a ttha lo.

May be an image of outdoorsNo photo description available.

Crd- Khit Thit Media.

Relchap: Tuni Hakha Boruak Cu Ngaihchia Ngai A Si Ko Ee..

Hakha Khuachung Lamthluan CCTV Vialte an Thlonghter Dih Hna, Micheu Palik Sakhaan ah an Kalpi Hna. Nihin ah ralkap le palik nih Hakha khuachung lamthluanpi kam ah a ummi chungkhar hna nih an inn ah an benhmi CCTV pawl cu ralkap le palik nih an thlonghter dih hna, tiah kan theih.

May be an image of sky and text that says "THE CHIN JOURNAL"

CCTV thlonghpiak a tongmi minung pakhat nih, “Zei ruang ah dah lam lei hoih in CCTV nan bunh a kan ti. Nanmah lei hoih in bunh u an ti i a kan phonghpiak,” tiah The Chin Journal ah a chim. Cun, micheukhat cu “Palik le ralkap nih kan CCTV an hrawk lo” timi catlap ah min an thutter hna.

May be an image of outdoors, tree and text that says "S SUZU THE CHIN JOURNAL"

The Chin Journal nih kan theih tawk ah nihin ah Hakha lamthluanpi kam ah khuami nih an inn ah an benhmi CCTV a tlawm bik 5 an phonghphiak hna. CCTV bunh ruang ah COTR biakinn pawng ah a ummi Nu Par Hlei Iang le Hakha Market hmai ah a ummi Lian Cin Thuan cu palik sakhaan ah an kalpi hna i, zanlei sml. 5:00 tiang ah an thlah rih hna lo, tiah kan theih.

May be an image of text that says "VA A THE CHIN JOURNAL"May be an image of indoor

Crd- The Chin Journal.

Relchap: Hakha ah Ralkap Nih Sianginn Saya/mate Training an Tuah Piak Ve Hna!

Hakha ah Ralkap Tuahmi Sianginn Saya/mate Training ah Minung 40 Hrawng an Kai.

No photo description available.

Hakha khua, Suhpawng zung ah ralkap (SAC) nawlpeknak in tuahmi sianginn cachimtu saya/mate training ah minung 40 hrawng an kai hna, tiah thawng kan theih. March 29 in April 1 tiang Myanmar ram huap in cacawn ning thar (New Curriculum) training nan kai dih lai tiah Ralkap (SAC) nih nawl an chuah caah saya/mate cheukhat training an kai hi a si.

Hakha ah cun Middle School cachimtu saya/mate minung 17 hrawng le High School cachimtu minung 20 hrawng an kai hna. Asinain, CDM ah aa telmi saya/mate ahohmah an kai hna lo. Hakha BEHS No. 1 ah training tuah ding in an rak timhtuah nain minung an tlawm tuk caah Suhpawng zung tu ah training tuahnak hmunhma an tthial, tiah thawng kan theih.

Crd- The Chin Journal