Turkish President Recep Tayyip Erdogan nih’Putin le Vladimir Zelensky sin ah ibiakchawnh hi atha bik idohnak hi teitu a um lai lo tiah,
Vawlei ram abuai mi atamtuk cang caah United Nations General Assembly session 77-nak ah bia tak tein ram hruaitu an ceih cang,
United Nations General Assembly 2022 ngeih ding ah vawlei ram hruaitu hna an phan dih hna cang, topic bik ah cun kanrak theihcia bang in, Russia Ukraine invasion ruang ah vawlei mangtam tlung ding le rawltam ti hal tuar ding kong hi, bia tak tein ceih zum asi, Cun idohnak hi tawpter khawh asi lai maw? Ti hna zong atel fawn lai, Atutan World leaders arrive at UN HQ for 77th General Assembly meeting phan mi hna hruaitu bia ceihnak ding ah vawleipi remdaihnak a hngat ngai ko lai tiah zum asi fawn.
Nizan Tuesday ah khan general assembly president thar Csaba Korosi nih ong nak angei, UN Secretary-General Antonio Guterres nih assembly ongnak can hman ah bia chimnak ngei in, UN member ram hna cu challenging dang dang um mi hna cu, hmalak ding le lungrual tein tuan tlang ding ah, sawmnak ngei pah fawm in bia tak tein bia acah hna khi asi, “General Assembly session 76-nak challenging tampi um mi kha, an um peng rih khi asi, Remdaihnak um ding hna cu, minung diknak covo humhak le thanchonak fek um khawhnak ding ah tuan cuah mah lio asi ati.
Mah lio karlak ah cun, vawlei ram buainak le vawlei Environment temperature khualum le khuasik adang peng ruang ah hin ram tampi hna ah, ruah sur le ti tam ruang ah harsatnak mi tampi nih an tuar lio khi asi cang, mah ruang ah cun vawleipi huap in Economy zong aniam chinchin caah, financial system buai ruang ah ram thangcho lio harsatnak an ton mi hna cu, rethei sifaknak le itluk tlan lo nak, ei/din ding harsatnak le ithen darhnak, ram pakhat le pakhat izum lonak tete hna hi vawlei ram tampi nih harsatnak kan ton cuah mah lio dirhmun asi cang tiah ati.
Session chung ah hin General Debate ngeih pin ah, Declaration on the Rights of Persons Belonging to National or Ethnic, Religious and Linguistic Minorities kum 30 tling cang nak bik ah, September 21-ah high-level meeting ngeih a si lai, September 26-ah International Day for the Total Elimination of Nuclear Weapons kong ah high-level meeting ngeih a si fawn lai, Nuclear weapons kong ah hin abik in Russia cawlcang nak kong ah zeithil dah achuah ter lai timi hi, an ceih hna lai.
September 19 zong ah hin UN secretary general Guterres nih pumkhawm meeting pawimawh taktak pahnih ah auh asi fawn cang, kan umnak vawlei hi achung ah um minung hna nih Environment le boaruak chia hi, kan tuah tamtuk cang caah pollution hi athurhnawmtuk cang ruang ah hin, vawlei temperature dang lamtertu bi kasi cang, zawtnak hrik dang dang hna arak chuak tawn hi minung kan thil tuah Industry tamtuk ruang ah asi fawn, a vennak ding ah thaizing ah an ceih hna lai.
Transforming Education Summit le Sustainable Development Goals Moment ngeih a si fawn lai, Russia le Ukraine karlak kong zong ceih asi lai, nain zei bantuk biachahnak dah angei timi cu thanh asi lai lo, Cun Armenia & Azerbaijan ramri buainak zong a tel fawn lai, China le Taiwan karlak buainak le Middle East hrawng ah remdaihnak a um khawhnak ding ah ceih asi fawn lai, atu lio ruahsur le ti tamtuk ruang ah Pakistan le Afghanistan harsatnak zong bawmnak lam kawl piak asi lai, Kan vawlei ram pakhat le pakhat iremh lonak ruang ah hin UN hruaitu hna zong hi an buai ngai ngai hna khi asi.